Дәстүрлі ХХХVI «Өнеріміз саған, Қазақстан!» атты облыстық көркемөнерпаздардың халық шығармашылығы байқау-фестивалі Федоров ауданына да келіп жетті.
Федоров ауданының өнерпаздары қашаннан биіктен көріне білген. Екі жыл қатарынан жүлделілер қатарында келе жатыр. Бұл жолы да байқауға тыңғылықты әзірленген.
Концерт өте жоғары дейгейде өтті. Оны қазылар алқасының бағалауынан да, халықтың құрмет қошеметінен де байқауға болады. Концертке аудан әкімі Тауба Исабаев келіп қатысты. Сахна төріне шыққан әр шығармашылық ұжым, әр әнші, биші көрерменнің көңілінен шығуға тырысты. Атап өтер болсақ, «Жаркөл» арнасмблінің «Құрманғазыға арнау» шығармасын орындауы, қазақ халық ансамблінің солистері Ксения Есенғазина мен Елена Запорожанудың орындауындағы халық әні «Ғазиза гүл» ерекше әсерлі болды. Әділет Сұлтановтың Құрманғазының күйі «Байжұманы» орындау шеберлігі домбыраның құлағында ойнайтынын көрсетті. Қазақ халық аспаптар ансамблі Құрманғазының «Қызыл қайың серперді», Арғынбек Бейбітхан Үкілі Ыбырайдың «Гәккуін» әуелете шырқағанына халық риза болды. «Звезды» халық би ансамблі «Нәзік биін» мың бұралтса, Жоламановтар отбасылық ансамблі Қалибек Дерібсалдин ағамыздың әні «Айнакөл жағасында» әнін жанға жайлы етіп орындап шықты. Халық хоры «Свитанок» «Қамажайды», академиялық ансамбль «А где мне взять такую песню?» әндерін әуелетті. Әншілер Тасқын Әжібай, Нұрахмет Махмұттардың талаптарына сүйсінбеске болмайды. Пешков ауылдық клубының «Феникс», «Иволга» топтары да даралана білді. Жалпы концерттен ерекше дайындық сезіледі. Өнерпаздардың әртістік шеберліктері, сахнада өздерін ұстауы, техникалық қолдау да үндесіп жатты.
Мұның бәрі де зор еңбек пен ұйымшылдықтың арқасында келетіні белгілі. Бүгінгі мәдени шараға көпшілік риза болып, ду шапалақпен залды толтырды. Бұл – аудан басшылығының мәдениет саласына деген қолдаудың бір көрінісі.
– Федоров ауданы жоғары деңгейді болады деп ойлап едік Сеніміміз ақталды. Бұл ауданның өнерпаздары үнемі топ басында жүреді. Биыл да дайындықтары жоғары дейгейде. Барлығы жоғары марапатқа лайық, – дейді қазылар алқасының мүшесі, облыстық халық шығармашылық орталығының басшысы Дәмер Қалқаев.
Осындай шараның жоғары деңгейде өтуіне мұрындық болған аудан әкімі Тауба Исабаевқа, аудан әкімінің орынбасары Валеев Рамильге, аудандық мәдениет бөлімінің басшысы Айнұр Төлепбергенқызына, өнер ұжымдарына, барша әріптестерімізге алғыс айтамыз.
