Сәуір-мамыр айларында Қазақстан Республикасы халықтарының халық шығармашылығы және мәдени мұрасы жылына арналған ХХХV «Өнеріміз саған, Қазақстан!» атты облыстық көркемөнерпаздардың халық шығармашылығы байқау-фестивалі өтті.
Аймақтағы барлық аудан, қала өнерпаздары өнерлерін ортаға салып, мәдени мұраны жаңғырту, сақтау, дамыту жолында еңбектерін көрсете білді.
Байқауға қатысушылар өз Отанына және туған өлкесіне деген сүйіспеншілігін білдіріп қана қоймай, нөмірлердің жанрлық сан алуандығымен бір-бірін үйлесімді толықтырып, тыңдармандарға шаттық пен әсемдік сыйлады.
Аудандық, қалалық әкімшіліктер мәдениет пен өнер саласын дамытуға, сахна саңлақтары мен сала қызметкерлеріне қолдау көрсетіп, зор үлес қосты.
31 мамыр күні байқау-фестивалінің қорытынды Гала-концерті өткізілді.
Қостанай облысының әкімі Мұхамбетов Архимед Бегежанұлы мәдениет қызметкерлерін кәсіби мерекемен құттықтап, «Мәдениет саласының үздігі» төсбелгісімен 10, Мәдениет және спорт министрлігінің граматосымен 5, Мәдениет және спорт министрлігінің алғыс хатымен 5, Қостанай облысы әкімінің грамотасымен 10 қызметкерді және Мәдениет пен өнер қызметкерлері күніне орай ұйымдар мен мәдениет қызметкерлерінің «Рухани қазына – 2022» республикалық фестивалі-байқауының облыстық кезеңінің жеңімпаздарын марапаттап, үздік облыстық мұражай, кітапханаларды, өнер ұжымдары мен қызметкерлерін дипломдар, сертификаттар мен ақшалай сыйлықтарды табыстады. Олардың ішінде облыстық көркемөнерпаздардың халық шығармашылығы мен кинобейнеқор орталығының әдіскері Мұрат Нағашыбай бар. Ол Түркістанда өткен «Рухани қазына – 2022» республикалық фестивалі-байқауының "Үздік облыстық мәдени-демалыс ұйымының қызметкері" номинациясы бойынша жеңімпаз атанған болатын.
Биылғы «Өнеріміз саған, Қазақстан!» ХХХV облыстық көркемөнерпаздар халық шығармашылығы фестивалінің қорытындысы бойынша ІІІ орынды Рудный қаласы мен Қостанай ауданы, ІІ орынды Арқалық қаласы мен Аманкелді ауданы, ал І орынды Федоров ауданы жеңіп алды.
«Облыстық көркемөнерпаздардың халық шығармашылығы мен кинобейнеқор орталығы» КМҚК әкімшілігі, Қостанай облысы әкімдігінің мәдениет басқармасы облыстың шығармашылық ұжымдары мен олардың басшыларына, Мәдениет үйлерінің басшыларына, мәдениет бөлімдерінің басшыларына, аудан әкімдеріне, сондай-ақ Е.Өмірзақов атындағы облыстық филармонияның техникалық қызмет көрсету мамандарына іс-шараны жоғары дәрежеде өткізуге көмек көрсеткені үшін алғыс білдіреді.
