Шығармашылық саласында еңбек етіп жүрген екі өлкенің тұрғындары да фестивальға жоғары деңгейде дайындалғандарын байқатты. Жас таланттарға жол ашу мақсатында ұйымдатырылған байқау биылғы жылдың басты оқиғаларының бірі, ел егемендігінің 30 жылдық мерейтойына арналды.

Сол себепті, сахана төрінде орындалған туындылардың дені туған жер, туған ел тақырыбын қамтыды. Ән мен жырдан шашу шашылған шарадан көрермендерді былай қойғанда, өнерпаздардың өздері ләззат алғандарын айтады. Кеншілер қаласының өнерпаздары концерттік бағдарлама аясында ән айтып, күй шертумен ғана шектелмеді. Жергілікті мәдениет саласы өкілдері театрыландырылыған қойылым сахналады. Қазылар қатысушылардың бұл ерекшеліктерін де жоғары бағалады. Кезек Б. Майлин ауданының көркемөнерпаздарына да жетті. Облыс орталығынан келген қонақтарға аудандық мәдениет ошақтарының өкілдері алдымен кітаптар көрмесін ұсынды. Сөреде самсаған сан алуан еңбектер тәуелсіздік жылдарында жеткен жетістіктер жайлы сыр шертеді. Жалпы, жүзеге асып жатқан іс-шараға жергілікті тұрғындар дән риза. Би-ағаңдай биік тұлға тудырған өлке тұрғындары да өнерден кенде емес. Халық мұрасымен заманауи шығармашылықты үйлестіре білген мәдениет саласының өкілдері 34- байқау-фестиваль қорытындысында үздіктер қатарынан көрінеріне ешбір күмән жоқ.