2019 жылы 26 сәуірде Ұзынкөл ауданының мәдениет үйінде "Рухани жаңғыру" мемлекеттік бағдарламасын жүзеге асыру аясында Фариза Оңғарсынованың 80 жылдығына арналған "Жас тұлпар" облыстық оқушы ақындар айтысы болып өтті

Айтыстың мақсаты- халық шығармашылығын дамыту, талантты ақындарды анықтау, айтыс жанрын қазіргі заманғы мәдени-білім беру жүйесіне жаңғырту және енгізу, жастарды ақын-жазушылардың және қазақ халқының мәдениет қайраткерлерінің шығармашылық мұрасымен таныстыру.

Ұзынкөл жерінде өткізіліп отырған айтысқа көрермендер көп жиналды. Қостанай облысында ХVIII рет өткізіліп отырған облыстық «Жас тұлпар» оқушы ақындар айтысына Арқалық, Рудный қалалары және Таран, Қарабалық, Әулиекөл, Қостанай, Жітіқара, Алтынсарин, Меңдіқара, Науырзым, Федоров, Сарыкөл, Ұзынкөл ауданынан 20 өнерпаз жас ақындар қатысты.
Облыстық «Жас тұлпардың» оқушылар айтысына жиырма сегіз жыл бойы қазылар алқасының төрағалық еткен сатирик, жазушы, Қазақстан Жазушылар Одағының мүшесі Ғұмар Ғарифұлы Ахметчинді және жас ақындарды баулып, айтысқа қазылық еткен айтыскер ақын, Қазақстан Республикасының мәдениет қайраткері Әлпия Карбозқызы Урманшинаны құттықтап, сый-сияпат жасады.

Айтысқа танымал өнер қайраткерлері, ақын – жазушылар Ғ.Ахметчин, Ә. Урманшина, С. Өтелбаева, облыстық «Қостанай таңы» газетінің тілшісі, ақын, журналист Қ.Қиысхан төрелік етті.

Айтыс қорытындысы бойынша, Бас бәйгені Бауыржанұлы Бекзат (Жангелдин ауданы), І – орын Нағашыбай Ғанимат (Меңдіқара ауданы), ІІ- орын Ратбек Бекзат (Таран ауданы) және Жүрсін Ақжүніс (Ұзынкөл ауданы), ІІІ- орын Мысыр Доспол (Қостанай ауданы), ІІІ–орынды Әсет Еркебұлан (Таран ауданы), Адырбаева Құндыз (Сарыкөл ауданы) иемденді.
«Фариза Оңғарсынова атындағы жүлде» Әбдірахманова Жанель (Федоров ауданы), «Нұрхан Ахметбеков атындағы жүлде» Таутанов Болатхан (Әулиекөл ауданы), «Сейіт Кенжеахметов атындағы жүлде» Байғазин Руслан (Арқалық қаласы), «Бейімбет Майлин атындағы жүлде» Қуанышбеков Бекасыл (Қарабалық ауданы) табысталды.
Қатысқан барлық оқушыларға Дипломдар табыс етілді.
«Жас тұлпар» айтысына жас ақындарды баулып, тәжірибелі тәлімгерлігі үшін жас ақындардың жетекшісі Байнакатова Жәмиля Қабдоллақызы (Жітіқара ауданы) Қостанай облыстық мәдениет басқармасының, Қостанай облыстық білім басқармасының «Алғыс Хатына» ие болды.

Посмотреть эту публикацию в Instagram

Ұзынкөл ауданында Фариза Оңғарсынованың 80- жылдығына арналған «Жас тұлпар» оқушы ақындар айтысының аясында өткен «Қайым айтыс. Айтыс түрлері»тақырыбындағы шеберлік сабағы Қостанай облысы әкімдігі мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК 2019 жылғы сәуір айының 25 күні Ұзынкөл аудандық мәдениет үйінде «Рухани қазына» бағдарламасы аясында Фариза Оңғарсынованың 80- жылдығына арналған «Жас тұлпар» оқушы ақындар айтысының аясында «Қайым айтыс. Айтыс түрлері» тақырыбында шеберлік сабағы болып өтті. Тәжірибелік сабағын айтыскер ақын, Республикалық ақындар айтысының жүлдегері Марғұлан Бақытбекұлы Оспанов жүргізді. Шеберлік сабағының мақсаты – жас ақындарға бағыт бағдар беріп, айтыстың түрлерін ажыратып, ережесімен таныстыру, ұйқастардың формуласын, буындарын анықтау. Сонымен қатар, қатысушыларға дайындалған айтыстан үзінді бейнежазба көрсетілді. Шеберлік сабағы барысында ақын Марғұлан Оспанов пен Салтанат Өтелбаева қайым айтысының үлгісін көрсетті. Шеберлік сабағының соңы сергіту сәті «Қайым айтыс» ойынымен аяқталды. Қатысушылар саны – 80 адам.

Публикация от ocsnt.kz AQP.OBLYS MÚ PORTALY (@culture_qostanai) 25 Апр 2019 в 7:03 PDT