Қазақстан Республикасы Тәуелсіздігінің 30 жылдығына арналған «Тобыл толқындары» би ұжымдарының ашық аймақтық халық билері on-line байқауы
2021 жылдың 12-14 сәуір аралығында «Рухани жаңғыру» мемлекеттік бағдарламасы аясында Қостанай облысы әкімдігінің мәдениет басқармасы «Облыстық көркемөнерпаздардың халық шығармашылығы мен кинобейнеқор орталығы» КМҚК «Тобыл толқындары» би ұжымдарының ашық аймақтық on-line халық билері байқауы өткізілді.
Байқаудың мақсаты – әуесқой хореографиялық өнерді қолдау және дамыту, Қазақстан халықтарының мәдени мұраларын дамыту және сақтау, Қазақстанда тұратын халықтардың дәстүрлі мәдениетін жаңғырту, сақтау, дамыту, үздік хореграфиялық ұжымдарды анықтау, жастарды хореография өнеріне тарту және шығармашылық жағынан өсуіне жағдай жасау.
Байқауға Қазақстанның әр аймақтарынан Ақмола, Атырау, Қызылорда, Павлодар және Қостанай облыстарынан 29 би ұжымдары қатысты.
Байқаудың шарты бойынша бірінші кезеңде ұжымдар қазақтың сюжеттік биін, екінші кезеңде таңдаулары бойынша халық билерін орындады. Барлық кезеңдер 12-14 сәуірде әлеуметтік желідегі @culture_qostanai Instagram парақшасында таратылды. Байқаудың қорытындысы 2021 жылғы 14 сәуірде шығарылды.
Байқауды хореография саласының кәсіби мамандарынан құрылған қазылар алқасы: «Карнавал» би мектебі» МКҚК директоры, Қазақстан Республикасының білім беру ісінің үздігі, Қазақстан Республикасының еңбек сіңірген қайраткері, облыстық меценаттар клубының «Қазына» сыйлығының лауреаты Фахрудинов Шамиль Абдрахманұлы, Қостанай педагогикалық колледжінің хореографиялық бөлімінің меңгерушісі, облыстық меценаттар клубының «Қазына» сыйлығының лауреаты Доспанова Салтанат Мұратқызы, А. Байтұрсынов атындағы ҚМУ «Өнер» студиясының бас хореографы Саяхат Әкімжанқызы бағалады.
Байқау қорытындысы бойынша келесі қатысушылар жүлделі орындарға ие болды:
I – «Еркеназ» би ансамблі, Қостанай облысы, Жангелдин ауданы, жетекшісі Әлімбаева Жанат Әбдісалыққызы;
II – «Зарянка» халық би ансамблі, Қостанай облысы, Қамысты ауданы, жетекшісі Комарь Ольга Михайловна;
III –«Ақбота» халық би ансамблі, Қостанай облысы, Арқалық қаласы, жетекшісі Әйгерім Балғынбаева;
III –«Мираж» халық би ансамблі, Ақмола облысы, Аршалы ауданы, жетекшілері Бакшеев Виталий Павлович, Цуп Александр Григорьевич.
2022 жылдың наурыз айында өтетін III Халықаралық «Наурыз достарын шақырады» фестиваліне қазылар алқасының төрағасы Шәміл Әбдірахманұлы Фахрутдиновтың шешімімен «Еркеназ» би ансамблі (Қостанай облысы, Жангелдин ауданы, жетекшісі Әлімбаева Жанат Әбдісалыққызы) және «Зарянка» халық би ансамблі (Қостанай облысы, Қамысты ауданы, жетекшісі Ольга Михайловна Комарь) жолдама алды.
Барлық жүлдегерлер дипломдармен және ақшалай сыйлықтармен марапатталды.
