Қазақстан халқы Ассамблеясының 25 жылдығына арналған «Тобыл толқындары» би ұжымдарының ашық аймақтық халық билері байқауының ақпараты

Портал туралы Орталық туралы Халықтық ұжымдар МҰ сайттары Сұхбат Галерея Шабыт қанатында Біз БАҚ-та Сұрақ-жауап

ҚОСТАНАЙ ОБЛЫСЫНЫҢМӘДЕНИЕТ ҮЙЛЕРІНІҢАҚПАРАТТЫҚ ПОРТАЛЫ

Қостанай облысы әкімдігінің мәдениет басқармасының

№1 Қазақстанда

БАСТЫ ОҚИҒАЛАРДЫҢ КАЛЕЙДОСҚОПЫ БАЙҚАУЛАР МЕН ФЕСТИВАЛЬДАР ШЕБЕРЛІК СЫНЫПТАРЫ ӘДІСТІМЕЛІК ЖИНАҚ БАЙҚАУЛАР ЕРЕЖЕЛЕРІ ІС-ШАРАЛАР АНОНСТАРЫ

Хореографиялық байқаулар мен фестивальдар

Қазақстан халқы Ассамблеясының 25 жылдығына арналған «Тобыл толқындары» би ұжымдарының ашық аймақтық халық билері байқауының ақпараты

20.02.2020

2244

Қостанай облысы әкімдігі мәдениет басқармасы «Облыстық көркемөнерпаздардың халық шығармашылығы мен кинобейнеқор орталығы» КМҚК ұйымдастыруымен 2020 жылдың 19 ақпан күні сағат 11.00-де Қостанай қалалық «Мирас» мәдениет сарайында «Рухани жаңғыру» бағдарламасы аясында Қазақстан халқы Ассамблеясының 25 жылдығына арналған «Тобыл толқындары» би ұжымдарының ашық аймақтық халық билері байқауы өткізілді.

Байқаудың мақсаты - хореографиялық өнерді халық билері арқылы насихаттау, Қазақстан халықтарының мәдени мұраларын дамыту және сақтау, Қазақстанда тұратын халықтардың дәстүрлі мәдениетін жаңғырту, сақтау, дамыту, үздік хореграфиялық ұжымдарды анықтау, жастарды хореография өнеріне тарту және шығармашылық жағынан өсуіне жағдай жасау.

Байқауға Қостанай облысынан 10 би ұжымы және Ақмола облысынан 1 би ұжымы қатысты: Тобыл қаласынан «Надежда» Халықтық би ансамблі, Рудный қаласынан «Фиеста», «Жизель» және «Ремикс» би ұжымдары, Қостанай қаласынан «Тарлан», «Эстель», «Тарлан» (Қостанай қалалық № 23 орта мектебі) би ұжымдары және Қостанай педагогикалық колледжінің «Кербез» би ұжымы, Арқалық қаласынан «Ақбота» Халықтық би ансамблі, Қарасу ауданы, Челгаши ауылынан «Vim» би ұжымы және Ақмола өңірінен келген «Фламинго» Халықтық би ансамблі өнер көрсетті.

Байқаудың шарты бойынша бірінші кезеңде ұжымдар қазақтың сюжеттік биін, екінші кезеңде таңдаулары бойынша халық билерін орындады.

Байқауды «Карнавал» би мектебінің директоры, Қазақстан Республикасының
білім беру саласының үздігі, ҚР Еңбек сіңірген қайраткері, облыстық меценаттар клубының «Қазына» сыйлығының лауреаты Фахрутдинов Шамиль Абдрахманович, «Енари» би ұжымының жетекшісі, облыстық меценаттар клубының «Қазына» сыйлығыныңлауреаты Ли Юрий Алексеевич, облыстық меценаттар клубының «Қазына» сыйлығыныңлауреаты,Қостанай педагогикалық колледжі хореография бөлімінің меңгерушісі Доспанова Салтанат Мұратқызы төрелік етті.

Қазылар алқасының шешімі бойынша I орын – «Ақбота» Халықтық би ансамблі (Арқалық қ., жетекшісі Зайко Ирина Григорьевна), II орын–«Надежда» Халықтық би ансамблі (Тобыл қ., жетекшісі Бывакина Ольга Борисовна), III орын – «Кербез» би ұжымы (Қостанай педагогикалық колледжі, жетекшісі Шаяхметова Бану Ерденқызы) иеленді.

Сонымен қатар, қазылар алқасының төрағасы Фахрутдинов Шамиль Абдрахмановичтің арнайы жүлдесіне «Жизель» би ұжымы, «Фламинго»«Тарлан» биқ ұжымы ие болды.

Сонымен қатар, Қостанай қаласында наурыздың 9-12 күндері өтетін «Наурыз достарын шақырады» II Халықарналық би фестивалінің жолдамасына «Ақбота» Халықтық би ансамблі ие болды.

Байқау жеңімпаздары мақтау қағазымен және ақшалай сертификаттарымен марапатталды (бірінші орын–250 мың тенге, екінші орын–200 мың теңге, үшінші орын–150 мың теңге, қатысқаны үшін–20 мың теңге).

Байқауға «Қостанай таңы», «Наш Костанай», «Костанайские новости» газеттері және «Алау», «Qostanai» телеарналары қатысты.

Қатысқандар саны 400 адам.