Өнер додасы тек би мерекесі ғана емес, халықтар арасындағы достық пен мәдени байланысты нығайтатын маңызды алаңға айналды.

Салтанатты марапаттау рәсімінде сахна төріне Қостанай облысы білім басқармасы басшысының орынбасары Данагүл Сүйіндікова шығып, фестиваль қатысушыларын құттықтап, өнер иелеріне марапаттар табыс етті.

Сонымен қатар, аталмыш фестивальдің негізін қалаған Қазақстан Республикасының еңбек сіңірген қайраткері Шәміл Фахрутдиновтің иығына шапан жауып, ерекше құрмет көрсетілді.

Ол кісі қандай құрметке болмасын лайық азамат.

Фестиваль қорытындысы бойынша барлық би ансамбльдері арнайы дипломдармен және алғыс хаттармен марапатталды. Әр қатысушы ұжым өз елінің мәдениетін танытып қана қоймай, ортақ сахнада өнер арқылы достықтың, бірліктің және шығармашылықтың жарқын үлгісін көрсетті.
 

Осылайша, «Наурыз достарын шақырады» фестивалі биыл да өз мәресіне жетіп, көрермен жүрегінде ұмытылмас әсер қалдырды.