Фестиваль осымен алтыншы рет өтіп отыр.

 

«Осы уақытқа дейін 80-нен астам би ұжымы қатысып, биден шашу шашып, әр ұлттың өнерін паш етіп, мәдениетін ұлықтауда. Биыл фестивальге 9 ұжым қатысып, соның 4-і алғаш келіп отыр. Осындай фестивальді өткізуге көмек берген баршаға алғысым шексіз», — дейді жоба авторы, «Карнавал» би ұжымының жетекшісі Шәмел Фахрутдинов. 

 

Фестивальдің мақсаты – халықтар достығын нығайту, ұлттық би өнерін дамыту және жас дарындарға өз шеберліктерін көрсетуге мүмкіндік беру.

 

Биылғы шарада қатысушылар қазақ, қырғыз, башқұрт, орыс және басқа да халықтардың би өнерін паш етуде. Сахнада классикалық, заманауи және этнографиялық билер орындалып, көрермендерді ерекше әсерге бөлеуде.