«ЖАДЫРА» ХАЛЫҚ ВОКАЛДЫҚ АНСАМБЛІ ШЫҒАРМАШЫЛЫҚ СИПАТТАМАСЫ

Біздің Міндетіміз Орталық туралы Халықтық (Үлгілі) ұжымдары Қостанай облысының МҰ сайттары Сұхбат Фото мен бейне галереясы «Шабыт қанатында» журналы Қостанай обл.метсенаттар клубының лауреаттары Біз БАҚ-та Сұрақ-жауап

ҚОСТАНАЙ ОБЛЫСЫНЫҢМӘДЕНИЕТ ҮЙЛЕРІНІҢАҚПАРАТТЫҚ ПОРТАЛЫ

Қостанай облысы әкімдігінің мәдениет басқармасының

Русский

RU KZ

№1 Қазақстанда

БАСТЫ ОҚИҒАЛАРДЫҢ КАЛЕЙДОСҚОПЫ БАЙҚАУЛАР МЕН ФЕСТИВАЛЬДАР ШЕБЕРЛІК СЫНЫПТАРЫ ӘДІСТІМЕЛІК ЖИНАҚ БАЙҚАУЛАР ЕРЕЖЕЛЕРІ ІС-ШАРАЛАР АНОНСТАРЫ

Вокалдық Қостанай облысының Халықтық (Үлгілі) ұйымдары

«ЖАДЫРА» ХАЛЫҚ ВОКАЛДЫҚ АНСАМБЛІ ШЫҒАРМАШЫЛЫҚ СИПАТТАМАСЫ

09.03.2023

704

90 - жылдары Рудный қаласында бірнеше ұлттық ансамбльдер пайда болды. Солардың ішінде ерекшеленіп шыққаны «Әжелер» ансамблі, кейін «Жадыра» деп аталды.    Ансамбль 1991жылы қазан айында құрылып, жетекшісі әнші – композитор Қайрат Нұрғазин болды. Кейін ансамбльге Ақжанай Қалиева және Даулеткерей Қиқымов жетекшілік етіп, өз үлестерін қосты. Қазіргі таңда ансамбльге бүкілодақтық және республикалық сайыстардың жеңімпазы, «Мәдениет саласының үздігі», талантты музыкант әрі композитор Владимир Лущ 17 жылдан астам уақыт жетекшілік етіп келеді.
        Тәуелсіздігіміздің құрдасы болған ансамбльге 2016 жылы 10 қазанда Қазақстан Республикасының Мәдениет және спорт министірлігі «Жадыра» халықтық вокалдық ансамблі атағын берді. Қазақ әндерін сақтау, дамыту, оның мәдени байлығын көрсетуді мақсат еткен ансамбль басқа да ұлт өкілдерімен сыйластық қарым-қатынас құрып, өзара сенімділікті нығайтуда. Бұл өз кезегінде орындайтын әндерде көрініс тапқан.
            «Жадыра» ансамблі шығармашыл және белсенді, қалалық концерттердің қатысушысы, «Жеңіске сәлем!» (2015ж.) қалалық фестивалінің жеңімпазы, «Мөлдір бұлақ», «Екі ұрпақтың жұлдыздары» қалалық фестивальдарының лауреаттары. «Алые паруса» көркемөнерпаз халық шығармашылық үйінде дайындалатын «Жадыра» ансамблінің орындауында 100-ден астам әндер бар. Ән қоржынында тек қазақ халқының дәстүрлі әндері ғана емес, заман көшіндегі шығармалар мен жергілікті авторлардың, сондай-ақ орыс, украин, татар және басқа тілдерде әндер шырқалады. «Жадыра» ансамблі колледждер мен мектептер, интернаттар мен кітапханаларда өтетін шығармашылық кештердің қалаулы қонағы. Қостанай, Лисаков қалалары, Меңдіқара, Бейімбет Майлин (Таран) аудандары мен Қашар, Горняцкий, Перцевка, Юбилейный ауылдарында және де «Орбита» демалыс орталығында, «Алые паруса» шығармашылық үйінде өз өнерлерін көрсетіп тұрады.
              Ансамбль құрамында 18 адам, негізінен 55 -82 жасқа дейінгі зейнет жасындағылар. Мамандықтары мұғалім, сатушы, механизатор, тәрбиеші, агроном, мемлекеттік қызметші болғанымен барлығы музыкаға деген қызығушылық танытады және халықтық әндерді насихаттау мақсаты байланыстырады.
        Ұжымда екі батыр ана Орынбасар Байтукова мен Муслима Баймурзенова бар. Ая-София Бірманова, Баян Зиналиева ансамбльдің негізін қалаған жандар. Ансамбль құрылғаннан бастап Ая-София ұжымның ұйымдастырушысы- жетекшісі болып, шабыт беріп, Владимир Лущке мықты қолдау көрсетіп отырды, кейін жетекшілікті ұстаз Шәмшия Қайыркенова жалғастырды. Ансамбльдің белсенді мүшелері Баян Зиналиева, Назифа Ибраева, Айман Нұрпейісова, Ұлдай Тайырова, Қанзада Жарылғатаева, Жақсылық Какенов, Бақдина Бірмағанбетова және басқалары тамаша қырларынан көрініп халықтың көңілінен шығып жүр.
«Жадыра» халықтық вокалдық ансамблі Қазақстан Республикасы Тәуелсіздігінің құрдасы.

2021 жылдың желтоқсанында ансамбль мерейлі 30 жылдығын атап өтті. Ансабль, мерейтой құметіне ұйымдастырылған Қостанай және Рудный қаласындағы   көрермендеріне арнап «Әнім саған – туған ел» атты концерттік бағдарламасын тарту етті. Концертке келген құрметті қонақтар меретой иелерін құттықтап қана қоймай,   мәдени құндылықты сақтап келе жатқандары үшін алғыстарын білдірді.