Жангелдин ауданының Н.Ахметбеков атындағы мәдениет үйі жанындағы халық театрының шығармашылық мінездемесі
Қостанай облысы Жангелдин ауданының «Н.Ахметбеков атындағы мәдениет үйі» ММ-нің «Халық театры» Республика, Облыс көлемінде белгілі ұжымдардың бірі. Қазіргі таңда театр режиссері Бүркітбай Фариза Сәндібекқызы.
Халық театры 1936 жылы Амангелді – Торғай арасында алғашқы колхоз – совхоз театры болып жұмыс атқарды.
Торғайдың Топжарғаны атанған Абай атындағы республикалық сыйлықтың лауреаты, ақиық ақын Нұрхан 1936-38 жылдары ауданаралық колхоз – совхоз театрында қызмет етіп, өнер қарлығаштарының қанатын қатайтуға, көркемөнерпаздықты дамытуға елеулі еңбек сіңіргендігі мәлім.
Халық театры құрылғанда алғашқы әртістерінің бірі ақын, жырау, күйші, шежіреші Ахметқан Әбіқаев болды.Шалғайда жатқан елді – мекендер мен қыстақтарда асқақтата ән салып, күмбірлете күй төгетін, шағын сахналық көріністерімен ашық аспан, кең даланы театр сахнасына айналдырып жіберетін өнерпаздарды жұртшылық асыға күткен.
Халық театр репертуарында Б.Майлиннің «Шұға», М.Әуезовтың «Еңілк- Кебек», Қ.Мұхамеджановтың «Бөлтірік бөрік астында», О.Бодықовтың «Қанжар мен домбыра», Д.Исабековтың «Әпке»т.б. спектаклдері сахналанды.
Театр 1972 жылы М.Әуезотың «Қаракөз» спектаклімен шымылдырығын ашып, халық театры атағын жеңіп алды.
Театр коллективіне қазақтың мемлекеттік драма театрының режиссеры Қадір Жетпісбаев жетекшілік жасап Бейімбет Майлиннің « Шұға » спектаклінің сахнаға шығарды.
1972 жылы Алматы да өткен халық театрлары байқауында әуесқой әртіс Рысты Ерденова лауреат атанды.
1972-1982 жылдар аралығанда халық театрын кәсіби режиссер мамандығының иесі Жақсылық Қожахметов басқарып көптеген спектаклдер жоғары дәрежеде сахналанды.
1972ж. Театр М.Әуезовтың «Қаракөз» спектаклімен шымылдырығын ашып, халық театры деген атағын жеңіп алды.
2010ж. ҚР мәдениет Министрлігінің №13 бұйрығымен «Н.Ахметбеков атындағы халық театры»ұжымының «халық» атағы расталды.
2019ж. Сатирик-жазушы, этнограф-ғалым Сейіт кенжеахметовтың 80 жылдығына арналған «Мірдің оғы» республикалық әзіл-сықақ театрлары фестиваліне қатысқаны үшін марапатталды.
2019ж.Қазақстанның еңбек сіңірген қайраткері , Күйші-композитор Атырау өңірінде алған Халық театрын құрушылардың бірі Нариман Үлкенбайұлының 80 жылдығына арналған І Республикалық Халық театрлары фестиваліне қатысқаны үшін және шығармашылық жетістігі мен шеберлігі үшін «Көрермен көзайымы» номинациясына және 300 000 теңгеге ие болды.
Торғай өнерінің негізін қалап, шырқау шыңға шығуына, тұма бұлақтардай бұғып жатқан халық таланттарының көзін ашуға үлес қосқан аяулы ағалар мен апалардың есімдерін ардақтау – абыройлы борыш, қастерлі міндет.
Бүгінгі театрымыздың өзіндік белес, толымды табыстарға көтерілуіне Кәдіржан Хасенханов, Назар Әбдібеков, Ғалия Жауынбаева, Мәулетқали Абдірахманов, Оңғар Жоламанов, Сапура Әлібекова, Гулбану Сейтқасым , Жанат Әлібекова, Арай Ерсары, Алмас Сейлхан,Алмас Нұрлан, Марат Гаюпов, Қайыржан Шыңғысов сияқты әуесқой әртістеріміз халық мақтанышына айналған жандар.
Біздің театрдан бастау алып осы күні облыстық Ілияс Омаров атындағы қазақ драма театрында Ақдәмен Досанова, Қымбат Ауезханова, Арқалық облыстық қазақ жасөспірімдер театрында мәдениет қайраткері Бөлтірік Молдашов, Рая Байкөбен, Күлай Ахметова, Ұлжалғас Сейдахметовалар еңбек етуде.
1995 жылдары М. Әуезов «Абай тағылымы» - романынан үзінді.
Ш.Хұсайынов « Алдар –Көсе» - комедия
С. Шаймерденов «Шайқақ» - драма
Режиссері : Рысты Ерденова
1996 жыл М.Хасенов «Қобызшы қыз» - драма
Е.Домбаев «Ғашықтар туралы балада» - комедия
О. Бодықов «Қарақұм трагедиясы» - трагедия
2000жыл Қ. Мирашев «Сақал саудасы»
Режиссері: Б. Молдашев
2002 жыл Б.Мұқай «Тойы көп үй» - комедия
2003 жыл С.Тұрғынбеков «Нұрхан»
2004 жыл Қ. Мұхамеджанов «Өзіме де сол керек»
Режиссер: Кәдірхан Хасенханов.
2008 жыл Ш.Хұсаинов «Қолға түскен шайтандар»
2009 жыл Т.Ахтанов « Күшік күйеу»
Д. Исабеков «Әпке»
2010 жыл Т.Ахтанов «Күтпеген кездесу»
«Мен өлмеймін»
Режиссер: Назар Әбдібек
2011жыл М.Дулатов «Балқия»
С.Асылбекұлы «Желтоқсан түні» Режиссері Назар Әбдібек.
2012 жыл Ғ.Арынов «Тозанды терезе» Режиссеры Назар Әбдібек
Ж.Ерғалиев «Құлып тастың көз жасы» режиссеры Назар Әбдібек.
2012жыл Д.Исабеков «Әпке» режиссеры Назар Әбдібек
2013 жыл «Көңілді карнавал» ертегі көрініс
2013 жыл «Құдағилар» режиссер: Назар Әбдібек
2013 жыл «Тағдыр тәлкегі» режиссер: Нұрлан Алмас
2014 жыл А. Шаяхметов «Таза бұлақ» режиссер: Сапура Әлібекова
2014жыл Е. Домбаев «Жоғалған адам» режиссер Сапура Әлібекова
2015жыл С.Тұрғынбеков «Нұрхан» Режиссер: Бөлтірік Молдашев
2016 жыл «Маде ин Махаббат» Режиссер: Ораз Нурғалиев
2017жыл Саид Ахмад «Келіндер көтерілісі» режиссер: Тасқын Әжібай
2018 жыл Ш.Мұртаза «Тамұқ» режиссер: Тасқын Әжібай
2018 жыл С.Тұрғынбеков «Нұрхан» режиссер: Рысты Ерденова
2019 жыл Мадина Омарова « Бір отбасының хикаясы» атты екі актілі драма режисер: Тасқын Әжібай
2019 жыл М.Әуезов «Айман-Шолпан» режиссер: Татьяна Ракышевна
2021 жыл М.Дулатов «Балқия» драмасы режиссер: Дос Құбаш
2022 жыл М.Әуезов «Қозы Көрпеш-Баян Сұлу» режиссер: Фариза Бүркітбай
2022 жыл Е.Төлеубай «Оян, Қазақ!» режиссер: Татьяна Ракышевна
Театр ұжымында қазіргі танда 20 -55 жас аралығында әр саланың қызметкері, зейнеткерлер бар. Көптеген жастар өздерінің шеберліктерімен, ізденістері мен көзге түсіп жүр мысалы: Марғұлан Қасымбек, Фариза Бүркітбай, Жанажыл Кемелтаева, Гүлсезім Раисова, Есенгелді Сырым, Шыңғыс Садуақасов, Мейрамбек Бейсенбек және басқада жас қыз-жігіттер болды.
