«Мұрагер» қазақ халық аспаптар ансамблі 2011 жылы ауданға аспаптық жанрды дамыту үшін жаңа маман және өз ісінің шебері Айбек Сыздықовтың келуімен құрылды.
«Мұрагер» ансамблі Алтынсарин ауданының мақтанышына айналды, барлық аудандық іс-шаралардың қатысушысы болып табылады және ауыл тұрғындары арасында үлкен танымалдыққа ие. Ансамбль - XXV облыстық көркемөнерпаздар шығармашылығы фестивалінің гала концертінің қатысушысы, Қостанай ауданындағы 2014 жылғы «Серпер» Қазақ халық аспаптар ансамбльдері арасындағы аймақтық ашық байқаудың дипломанты.
2015 жылы Қазақ хандығының 550 жылдығына арналған «Ғасырлар пернесі» облыстық фестивалінің дипломанты. 2016 жылы «Мұрагер» ансамблі «Халықтық» атағына ие болды. 2019 жылы «Мұрагер» халықтық ансамблі Төкен Елтебаевтың 83 жылдығына арналған «Ұрпақтар сабақтастығы» Республикалық байқауына қатысып, 3 орынға ие болса, «Ұлы дала ұрпақтары» Қазақ халық шығармашылығы қазақ халық аспаптар ансамбльдерінің облыстық байқауына қатысып, «Мұрагер» ансамблі Бас жүлдені жеңіп алды. 2020 жылдың қазан айында облыстық «Рухани қазына – 2020» фестивалінде «Мұрагер» халықтық ансамблі «Үздік көркемөнерпаздар ұжымы» номинациясы бойынша дипломант атанды. «Мұрагер» халықтық ансамблі 2021 жылы 29-31 наурызда Башқұртстан Республикасы, Уфа қаласында өткен «Зов урала» халықаралық байқау - фестиваліне қатысты. Біздің ансамбль 16 үміткер арасынан 1 орынды иеленді.
Ансамбль жетекшісі Айбек Сыздықов - облыстық және республикалық фестивальдар мен байқаулардың қатысушысы.
Жоғары деңгейдегі шығармашылық жетістіктері үшін Айбек Сыздықов 2013 жылы Қостанай облысы меценаттар клубы сыйлығының «Музыка» номинациясы бойынша лауреаты болды. Ұжымның репертуарында 50 шығарма бар-бұл күйлер, халық әндері және қазақстандық композиторлардың әндері.
