«Надежда» би ұжымы 1980 жылы аудандық мәдениет үйінің базасында құрылды. 1996 жылы Надежкина Надежда Николаевна би ұжымының жетекшісі болды. Ал, 2011 жылдан бастап би ұжымын Бывакина Ольга Борисовна жетекшілік етеді.
.jpg)
Табиғаты бойынша оптимист, ол өз шәкірттеріне хореография сияқты керемет өнер түрімен айналысуға және дамытуға деген ынтасын оятады. 2002 жылы «Надежда» би ансамблі «халықтық» құрметті атағына ие болды.
Бүгінгі күні ұжымда әр түрлі жастағы 150-ге жуық бала өз шығармашылық қабілеттерін дамытуда. Ансамбль ауданда және одан тыс жерлерде өткізілетін барлық іс-шараларға үнемі қатысады, сондай-ақ ауыл көрерменін қуантып, концерттік бағдарламамен ауылдарға үнемі барып тұрады. Жыл сайын ұжым өздерінің есеп беру концертін өткізіп отырады. Бұл күні біздің аудандық мәдениет үйінің залында көрермендер саны көбейіп, тұрғындар қуанышты көңіл-күймен көріп, ұжымға алғыстарын жаудырады. Ұжымның репертуарында халық билері мен қоса спорттық және заманауи шығармалары орындалады.
«Надежда» халықтық би ансамблі әр түрлі бағыттағы аудандық мерекелердің жаппай театрландырылған-хореографиялық прологтарындағы басты тұлға болып табылады. Ал, 2019 жылғы облыстық көркемөнерпаздар халық шығармашылығы фестивалінің қорытынды гала концертінде Қостанай ауданының «Надежда» халық би ансамблі және хореографиялық ұжымдары прологты орындап, фестивальдің ашылу құрметіне ие болды.
«Надежда» ансамблінің шығармашылық жетістіктерінің қоржынында Халықаралық, Республикалық және облыстық байқауларға қатысқаны үшін көптеген дипломдар мен алғыс хаттары бар.
2019 жылдың 3 наурызында ұжым «Таңғы шұғыла» балалар, жасөспірімдер және ересектер шығармашылығының Халықаралық көп жанрлы фестиваль-байқауының Бас жүлдесін және 1 орын иегері атанды. Байқау қорытындысы бойынша ансамбль «Түркия таланттар елі» байқауына жолдама алды.
2019 жылғы 24 қарашада ұжым, Алматы қаласында өткен «Би әлемі» би өнері бойынша VI-ші халықаралық байқауға қатысты. Ансамбль «Қазақ биі» номинациясы бойынша II дәрежелі лауреат атанды, ал ұжымның кіші тобы «Балалар хореографиясы» номинациясы бойынша І орынды иеленді.
Ұжым жетекшісі Бывакина Ольга Борисовнаға, жоғары кәсіби қасиеттері мен жұмыста қол жеткізген нәтижелері үшін байқау ұйымдастырушыларынан алғыс берілді. Осы байқауға қатысу қорытындысы бойынша Ольга Борисовна өз тәрбиеленушілерімен Қостанай қаласы телеарналарының бірқатар бағдарламаларының қонағы болды.
2020 жылдың 19 ақпанында «Надежда» халық биінің аснамблі ашық өңірлік «Тобыл толқындары» халықтық би байқауында 2-ші орынды иеленді.
2020 жылдың 3 қарашасында ұжым Қазақстан халқы Ассамблеясының 25 жылдығы аясында Федоров ауданында өткен «Жаркөл өрнектері» 2 –ші аймақтық on-line халық биі фестивалінің БАС-ЖҮЛДЕ иегері атанды.
2021 жылдың 6 қарашасында «Надежда» би ансамблі Нұр-сұлтан қаласында штаттық режимде өткізілген «Күз жұлдыздары» атты Республикалық балалар шығармашылығы байқауына қатысты. Байқау нәтижесі бойынша «Халық биін стилизациялау» номинациясы бойынша үш құрметті орын: Гран-При - орыс биі «шырша-қарағай» (11-15 жас) және «корей биі «Саго» (11-13 жас), 1 орын - Тәжік биі «Дойра» (14-15 жас).
2021 жылдың қараша айында ұжым Федоров ауданында ҚР Тәуелсіздігінің 30 жылдығын мерекелеу аясында өткен «Биле, жастық» өңірлік онлайн-байқауының Гран-При иегері атанды.
12 желтоқсан күні «Надежда» би ансамблі Облыстық «Kostanay DANGE» би фестивалінің жүлделі орындарына ие болды - 1 орын (Орыс биі) және 2 орын (Қазақ биі).
Осы жылдар ішінде ансамбль көптеген керемет адамдарды тәрбиеледі, олардың көпшілігі мамандық бойынша оқуын жалғастырды, мұғалімдер болып жұмыс істейді, сонымен қатар, кәсіби ұжымдарында өз өнерлерін дәріптеп жүр.
Олардың бірі-Қостанай педагогикалық колледжінде хореографиядан сабақ беретін Ақбота Дукенова, оның басшылығымен Қостанай қаласының «Magic jump» ұжымы жұмыс істейді және жылдан жылға өркендеп келеді.
Сондай-ақ, ұжымның көптеген тәрбиеленушілері облыстық Е. Өмірзақова атындағы филармонияның «Костанайские зори» би ансамблінің жеке бишілері болып табылады және Қостанай педагогикалық колледжінің студенттері.
Жоғары біліктілік санаты бар оқытушылар ұйымдастырған дағдылар мен тәрбие процесінің арқасында ансамбльдің қазіргі қатысушылары өз шеберліктерін өз мектептерінде көркемөнерпаздар шығармашылығының белсенді қатысушылары бола отырып, жоғары азаматтық жауапкершілікке ие, міндеттелген тұрақты тапсырмалар мен жарыстарға атсалысып тұрады.
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
