«Рухани жаңғыру» бағдарламасын іске асыру мақсатында облыстық халық шығармашылығы орталығынының ұйымдастыруымен, Ілияс Омаров атындағы қазақ драма театрында облыстық «Тобыл толқындары» атты халық билерінің байқауы өтті. Іс-шараның мақсаты Қазақстан халықтарының мәдени мұраларын дамыту және сақтау. Сайысқа әрбір аудан атсалысып, ұлттық өнерді насихаттады, өзге ұлттың билерін билеп, достығымызды дәріптеді.
Қазақ халқының қанына сіңген өнер түрін дәріптеу мақсатында ұйымдастырылған «Тобыл толқындары» байқауына Қостанай облысының қалалары мен аудандарының ең үздік 11 би ұжымдары жиналып, өнерлерін көрсетті. Байқаудың бірінші бөлімінде үміткерлер қазақтың мазмұнды биін орындаса, екінші бөлімде байқауға қатысушылар Қазақстан жерінде тұрып жатқан халықтардың билерін нақышына келтіріп орындады.
Аталмыш байқауға қатысқан әр ұжымның тыңғылықты дайындықпен келгені байқалып тұрды. Алайда, бәсеке болған жерде жеңімпаздың болуы шарт. Екі кезеңнің қорытындысы бойынша бірінші орынды Лисаковск қаласының «Вдохновение» би ансамблі алды, екінші орынды Жітіқара ауданының «Танцевальная графика» ұжымы иеленсе, үшінші орынға Қостанай ауданының «Надежда» би ансамблі және Науырзым ауданының «Нұр-Ай» би ұжымы жайғасты.
Шараның мақсаты – ұлттық өнерді дәріптеу. Өз және өзге халықтардың мәдениетімен таныстыру. Жаңа есімдерге жол ашу.
