Tutas el boyınşa tuñğış ret Tobıl topırağında töl önerdi nasïxattawşılar arasında bayqaw uyımdastırılıp otır. Respwblïkalıq dombıraşılar dodasına elimizdiñ 14 öñirinen 24 önerpaz qatıswda. Küyşiler konkwrsında kimniñ babı kelisti, al, kimniñ bağı janğanın dombıra üni arqılı dala mädenïetin dünïejüzine tanıtqan öner maytalmandarı anıqtaytın boladı. 

Töl önerimizdi törge ozdırağan tulğalardıñ biri – Sağın Jalmışev atındağı 1-şi respwblïkalıq dombıraşılar bayqawınıñ Tobıl öñirinde ötkizilwiniñ özindik sebebi bar.  Ol jaylı öner bäygesin uyımdastırwşılar bılay deydi.

Töl önerimizdiñ tarïxına üñilsek, köne zamannan küni büginge deyin 6 mıñnan astam küy babadan balağa mïras bop jetkenin jalpımız birdey bile bermeymiz. Ärbir mwzıkalıq kompozïcïyanıñ şığw tarïxı sekildi, är küydiñ de öz ötkeni bar. Sondıqtan bolar, dombıra ünin ülkender qawımı küy-şejire dep ataydı. Al, alamanda küydi orındaw men onıñ qayda, qaşan payda bolğanın bilw – parız. Sol sebepti, bayqaw bağdarlamasınıñ öz erekşeligi bar.

Bunday bayqawdıñ bizdiñ elde, äsirese, Qostanay jerinde jüzege aswı asa mañızdı. Bul - bizdiñ rwxanï jañğırwımızdıñ bir körinisi. Xalıq jadımen jetken jawharlarımız jastardıñ jadına qonadı. Osı arqılı ulttıq kodımız odan sayın nığaya tüsedi, - deydi dombıraşılar dodasında öner körsetken öñir örenderi.

Qalamı qarımdı qalamger – Qadır Mırzalïevşe aytsaq, «Nağız qazaq – qazaq emes, nağız qazaq – dombıra». Sol sebepti, ärbir qazaq qaraşañırağınıñ törinde qasïetti qara dombıra turwı tïis. Öytkeni, ulttıq aspap ünin estip ösken urpaqtıñ udayı upayı tügel bolmaq, - desti dombıra dwmanında dästürimizdi däriptegen öner janaşırları.