Қостанайда «Рухани жаңғыру» бағдарламасының «Мәдени даму» жобасы аясында Мәдениет басқармасы» және Облыстық көркемөнерпаздар халық шығармашылық орталығының ұйымдастыруымен, «Алтын микрофон-2018» халықаралық әншілер байқауы өтуде. Екі күнге созылатын өнерпаздар аламанына 6 елден келген 70-ке жуық жас әншілер қатысуда.
Алтын микрофон» - халықаралық вокалшылардың конкурсы. Оған шет елдерден өнерпаздар жыл сайын келеді. Биыл да байқаудың географиялық ауқымы кең. 6 елден 70 жуық үміткер қатысуда. Деңгейі жоғары додаға биыл біршама өзгерістер енгізілді. Әддеттегідей 5 пен 17 жас аралығындағы балалар емес, 7 мен 21 жас аралығындағы жас таланттар қатысуда. Олар жас ерекшеліктеріне қарай 3 топқа бөлінген. Бұл байқау кішкентай әншілердің ән әлеміндегі әліппесі. Үлкен сахнаға бастар салмақты сатысы да осы сайыс. Сол себепті, күміс көмейлердің бәрі де тек жеңіске мүдделі. Қатысушылар көп, осал орындаушы да жоқ. Қорытындысы жексенбіде белгілі болып, сол күні, яғни 22-ші сәуірде қаламызда гала концерт өтпек. Онда байқау жеңімпаздары марапатталады.
