"Қостанай таңы" газеті: Жеңімпаздар анықталды

28.03.2018

Жазған: web_redaktor

Жеңімпаздар анықталды

Қостанайда "Асқақ әнім — Астана" облыстық көркемөнерпаздар халық шығармашылығы фестивалінің жеңімпаздарын марапаттау рәсімі және Гала-концерті өтті. Осынау шараға облыс әкімі Архимед Мұхамбетов қатысты.

- 2017 жылы Қостанайдың 19 шығармашылық ұжымы мен 34 өнерпазы бас-аяғы 24 халықаралық фестиваль мен байқауға қатысқан. Біздің таланттар 50 жүлделі орынды иеленген. Сол жеңімпаздардың тең жартысы өнер жолын осы облыстық көркемөнерпаздар халық шығармашылығы фестивалінен бастаған. Бүгіндері бұл шара дамудың жаңа сатысына шықты. Облыстық "Қазақстан-Қостанай" арнасымен бірге тележоба көрерменге жол тартты, оны YouTube желіснен де көруге болады,-деді өңір басшысы.
Іріктеу кезеңдері барлық аудан, қалаларда ақпан айында өткен болатын. Жеңімпаздар Елордада болатын "Асқақ әнім — Астана!" атты қорытынды кеште өнер көрсетпек. Фестиваль қорытындысы бойынша 3-орынды Қостанай мен Рудный қалалары бөліп алды, олардың әрқайсысына 700 мың теңгеден қаржылай сыйлық берілді.
Әулиекөл мен Қостанай ауданы 2-орынды қанағат тұтып, 1 млн теңгеге ие болды.
1-орын және 1 млн 700 мың теңгенін сертификатын Жітіқара қаласының өнерпаздары жеңіп алды. Ал байқаудың бас жүлдесі мен 2 млн теңгені Федоров ауданының таланттары әкетті.
Аманкелді, Жанкелдин, Алтынсарин, Меңдіқара аудандары арнайы сыйлықтарға ие болды.

Суреттерді түсірген Бердіболат КӨРКЕМБАЕВ.

Қостанайда "Асқақ әнім — Астана" облыстық көркемөнерпаздар халық шығармашылығы фестивалінің жеңімпаздарын марапаттау рәсімі және Гала-концерті өтті. Осынау шараға облыс әкімі Архимед Мұхамбетов қатысты.

Ақпарат мына сайттан алынды: http://www.kostanaytany.kz