Бүгін аудандық мәдениет үйінде Амангелді ауданының құрылғанына 95 жылдығына арналған «Әнім саған, туған жер!» - атты концерттік бағдарлама өтті.

Ауданның 95 жылдығына орай Амангелді мемориалдық мұражайының басшысы Төленов Сахан Оңжанұлы баяндама жасап, аудан әкімі Карбозов Талғат Тойшыбекұлы мен маслихат хатшысы Кеделбаев Қанат Уашұлы Амангелді ауданындағы көп жылғы жемісті қызметі, ауданның әлеуметтік-экономикалық дамуына қосқан елеулі үлесін қосқан Досжанов Хамит Кәмәлиұлы мен Сарманов Каппас ағаларымызға «Амангелді ауданының Құрметті азаматы» атағымен марапаттады.

Аудан әкімінің Алғыс хатымен, ауданымыздың 95 жыл толу мерейтойына орай құттықтай отырып, ауданның қоғамдық-саяси өміріне белсене араласып, аудан дамуына үлес қосып, таза еңбектің арқасында ел өркендеуіне зор үлесін қосқаны үшін бірнеше еңбек азаматтары марапатталды.