2017 жылғы 8 қаңтарда, сағат 15.00-де Е.Өмірзақов атындағы облыстық филармонияда Рудныйдың «Лес чудес» халықтық театрлық ұжымның «Стиляги» мюзиклының театрландырылған қойылымы өтті. «Лес чудес» ұжымы Халықаралық және Республикалық байқаулардың бірнеше мәрте лауреаты болып келеді және өнер көрсетуде белсенді кестесі бар. 2016 жылдың күзінде «Лес чудес» ұжымына «Халықтық» атақ берілді. «Стиляги» мюзиклының қойылымында 42 қатысушы болды.

Облыстық филармонияның көрерменге лық толған залы бір жарым сағатқа созылған қойылымның бірегей және балғын сюжетіне, жарқын бейнесіне, жас әртістердің ән шырқауы мен динамикалық биіне тәнті болды. Бузулан Лариса Яковлевна - Рудный қалалық әкімдігінің «Жастар мен оқушылар сарайы» МКҚК педагогі, «Лес чудес» халықтық театрлық ұжымының 2006 жылы құрылғаннан бастап жетекшісі болып келеді.

Іс-шараға қатысқан көрермендер саны 450 адамды құрады.