Шеберлік сабағының мақсаты – қазақ ұлт аспаптарында орындаушылық шеберлігінің үздік отандық дәстүрлерін сақтау және дамыту, сондай-ақ қазақ ұлт аспаптары жетекшілерінің кәсіби шеберлігін арттыру.
Шеберлік сабағы екі бөлімнен тұрды. Бірінші бөлімі аспапты жанрдың теориялық құрылымынан тұрды. Екінші бөлімі тәжірибелік жағына арналды. Мұнда Назымбек Молдабекұлы шеберлік сабағына қатысушылармен жұмыс істеудің әдістемесін жіті түсіндірді.
Шеберлік сабағын өткізген – ҚР Еңбек сіңірген қайраткері, Е.Өмірзақов атындағы облыстық филармонияның қазақ ұлттық аспаптар оркестрінің бас дирижері Назымбек Молдахметов. Қатысушыларға теориялық материалдар таратып берілді.
Облыстық көркемөнерпаздар халықтық шығармашылығы орталығы мамандары шараның соңында бұл ұйымдастырылымның өту барысына қанағаттанушылық деңгейін анықтау үшін анкета жүргізді.
Шеберлік сабағына барлығы: көркемөнерпаздар оркестрлерінің, қазақ ұлт аспаптарының 18 жетекшісі; "Тобыл сазы" қазақ ұлт аспаптары оркестрлерінің 32 әртіс-инструменталшысы қатысты. Бұл оркестрдің жетекшісі – Ерхан Түсіпбеков.
