Биыл Абай Құнанбайұлының туғанына 175 жыл. Абай - өз халқының рухани мәдениеті мен ойлау қабілетін жаңа деңгейге көтерген, жаңа рухани кеңістік ашқан, нақтылықты көркемдік шеберліктің жаңа үлгілерін жасаған данышпан. Абайдың рухани әлемі, дүниетанымы - ерекше бір тылсым, таптырмайтын құндылық. Оның ойшыл - дана ретіндегі философиялық орталық мәселесі - адам. Ұлы гуманист адам туралы түсініктерін дамытып қана қоймай, шынайы адамның идеалымен айналысты, жеке тұлғаны қалыптастыруға ықпал ететін қызықты әдістер мен тәсілдерді тұжырымдады. Абай өзінің азаматтық парызын түсініп, саналы түрде жаңа ізденістер мен ерекше әрекеттер жасап, адамтану адам болу ілімінде көп жаңалықтар ашты.. Жаһандану үрдісі көз ілеспес жылдамдықпен етек алғанда адамзаттық, оның ішінде ұлттық бірегейлігімізді түсінуде Абай дүниетанымына тереңірек бойлап, іздену, оның адамтануынан тағылым алу - заман талабы.

«Жітіқара ауданы әкімдігінің мәдениет және тілдерді дамыту бөлімі» ММ «Аудандық мәдениет сарайы» МКҚК қабырғасында  2020 жылдың 27 ақпанында «Абай дүние танымы және жалпы философия»  тақырыбында аудандық конференция өткізеді. Конференция мақсаты Абайды ұлықтау арқылы жас ұрпақтың бойына ұлттық рух дарыту болды. Шараға қатысушылар Абай дүние танымына терең бойлап, жақұт жырларынан сусындап қайтты.