Қа­зақтың дарынды композиторы, қазақ ән әлемінің падишасы, қазақ вальсінің королі Шәмші Қалдаяқовтың шығар­ма­ларын ұлықтап, бұқара халыққа насихаттау, сондай-ақ мол мұрасын халық арасында орындап жүрген дарынды жастардың шығарма­шы­лығына қолдау көрсету, олардың өнерін кей­інгі жас буынға үлгі ету үшін 2019 жылдың 27 қарашасында аудандық  мәдениет сарайының үлкен залында ән әлеміне мәңгілік таза да пәк махаббат сыйлап, өшпес  ән мұрасын қалдырған  композитордың шығармашылығына арналған “Ән - ғұмыр” атты аудандық фестиваль өтті. Қала мектептері ұстаздарынан және өнерпаздарынан құралған өнер топтары мен жеке орындаушылар өздерінің әншілік  шеберліктерімен жиналған көрермендерді таңдай қақтырып, ұзақ қол шапалақпен  білдірген құрметтеріне бөленді. Әр адамның жүрек түкпірінен орын алып, телегей теңіздей сезім сыйлаған, көңіл пернесін дөп басып, ыстық ынтызарлықтың, шексіз сүйіспеншіліктің төлқұжатындай болған әндер әркімнің  көкейінде қалықтап тұрғандай әсер қалдырды. Залға жиналғандар үлкен серпіліспен әндерді қосыла айтып, Шәмші музыкасының сезімдерді тербеп, жүрек қылын шертетіп,  өзіне баурап алар құдіретіне тәнті болып тарасты. Бұл Шәмші әндерінің өміршеңдігінің дәлелі болса керек...