28 мамыр күні аудан орталығында алғаш рет Әулиекөл аудандық мәдениет үйінің ұйымдастыруымен,  Қазақстан Республикасының Тәуелсіздігіне 30 жыл толуына орай, «Рухани жаңғыру» бағдарламасы аясында, көне дәстүрді жаңғырту мақсатында «ҚымызFest» ұлттық сусын фестивалі өтті. Фестивалге Әулиекөл ауданына қатрасты төрт ауыл  Новонежин, Тимофеевка, Федосеевка және Жалтыркөл аймағынан әкелінген қымыздың дәмін татып,  ұлттық тағамдар дайындалып, киіз үйлер құрылып, мерекелік концерт қойылды. Бұл ұлттық сусынымызға қатысты дәстүрлердің бірі - «Қымызмұрындық» деп аталады.
Салатантты жиын басы аудан ардагері Нұрмұхамбетов Қабыл Бекмұхамбетұлының құттықтау  сөзімен басталды. Сондай-ақ, аудан әкімінің орынбасары Сүлекеев Аят Сексенбайұлы кешіміздің құрметті қонағы болды.
Көп кешікпей фестивальдің негізгі бөлімі де басталды.  Концерттік бағдарламаны  «Қазына» этнофольклорлық ансамблі ашты. Талантты жастар мың бұрала би билеп, шараның сәнін келтірді.  Іс-шара жүргізушілері қымыздың шығу тарихын баяндап, жұртшылық назарына ұсынды.
Ауа-райының шуақты күні аудан саябақ алаңы нағыз қазақ ауылына айналды. Арнайы мереке үшін бауырсақ дайындалды. Бауырсақтар саябақ алаңында қазан ошағында  пісірілді. Мәдениет үйлерінің шығармашылық ұжымдарының қатысуымен  концерт өтті. Қымыз – тек шөл қандыратын сусын емес сондай-ақ түрлі емге көмектеседі. Фестивалге жалпы 45 литр қымыз әкелінді. Ұлттық фестивалдің терең тарихы бар. Ежелгі дәстүр бойынша бірінші саумадан жиналған қымыз көршілер мен қонақтарға таратылып беріледі. Қазақ ғұламаларының айтуынша, қымыздың  жиырма бестен астам түрі бар. Мамырдағы қымыз – уызқымыз – ең құндысы, ақ уыздан жасалады. Маусымдық – сарықымыздың сарғыш түсі болады, ал шілде айында дайындалатын құнарқымыз өзінің нәрлілігімен бағаланады. «ҚымызФест» фестивалінің орны орасан зор. Мерекеде қымыздан дәм тату және дастархан үстінде тіл үйіретін ұлттық тағамның түр-түрі болды.