Гүлнар Сәрсенбайқызына ақ жол тілейміз!

Алты жыл бойы халық шығармашылығы бөлімін абыроймен басқарып, мәдениет саласының дамуына өз үлесін қосқан Гүлнар Сәрсенбайқызы бүгінде отбасылық жағдайына байланысты Астана қаласына қоныс аударғалы отыр.

Бүгін сізді шығарып салып тұрып, бір жағынан қимастық сезімде болсақ, екінші жағынан жаңа қадамыңызға қуанып отырмыз.

Ол өз ісінің нағыз маманы, жауапкершілігі жоғары, сабырлы да салмақты, әріптестері арасында сыйлы жан. Осы жылдар ішінде облыстық, республикалық және халықаралық деңгейдегі талай ауқымды шараның басы-қасында болып, ұйымдастыру жұмыстарының бар салмағын абыроймен атқарып келді. Әр іс-шараның жоғары деңгейде өтуіне қосқан еңбегі өлшеусіз.

Алты жыл ішінде бірге атқарған жұмыстар, ортақ мақсат жолындағы ізденістер мен еңбек – әріптестерінің жадында жақсы естелік болып қалады. Байсалды мінезі, кәсіби білімі мен кез келген істі тиянақты ұйымдастыра білетін қасиеті ұжым үшін әрдайым үлгі болды.

Бүгін біз әріптесімізді қимай шығарып салғанымызбен, жаңа қадамына тек ақжолтай тілегімізді арнаймыз. Астана төріндегі жаңа өмірі берекелі, жұмысы жемісті болсын! Отбасына амандық, зор денсаулық, мол бақыт тілейміз.

Еңбегіңіздің жемісін көріп, жаңа ортада да биіктерден көріне беріңіз! Әрдайым төрімізден орын алып, жақсы жаңалықтарыңызбен қуанта беріңіз!