24 сәуір күні Арқалық қазақ жасөспірімдер театрында, Қостанай облысы әкімдігі мәдениет басқармасымен бекітілген жоспарына сәйкес, жылда дәстүрге айналған XXXIІІ–ші халық шығармашылық көркемөнерпаздарының «Өнеріміз саған, Қазақстан!» атты байқауы өтті

24 сәуір күні Арқалық қазақ жасөспірімдер театрында, Қостанай облысы әкімдігі мәдениет басқармасымен бекітілген жоспарына сәйкес, жылда дәстүрге айналған XXXIІІ–ші халық шығармашылық көркемөнерпаздарының «Өнеріміз саған, Қазақстан!» атты байқауы өтті

Биылғы аталмыш іс-шара биылғы жылдың елеулі мерекесі жастар жылына арналды. Осы аталмыш іс-шараға бір топ өнер майталмандары қазылық жасады. Фестиваль барысында ережеге сәйкес әртүрлі жанрда 21 нөмерлі концерттік бағдарлама ұсынылды.

Сахнаға шыққан әр өнерпазға қала жұртшылығы зор қошеметін көрсетті. Осы байқауда жоғары деңгейде өнер көрсеткен төмендегі тізім бойынша өнерпаздарды мақтанышпен айта аламыз. Нәтижесінде орындалған 21 нөмерлік бағдарлама бойынша 14 нөмер ең жоғарғы 25 балл көрсеткішін көрсетті.

Атап айтар болсақ, ҚР Мәдениет қайраткері, Арқалық қаласының құрметті азаматы Боранбай Әбенов жетекшілік жасайтын Қазақ Халықтық ұлт-аспаптар оркестірі Н.Тілендиевтің «Алтын дән» поэмасынан үзінді, Е.Үсеновтың «Меруерт моншақ», Бизе «Кармен» операсына Увертюре, «Айтыстық ақтаңгері» Айбек Қалиевтың арнауы, «Сарыарқа сазы» этно-фольклорлық ансамблі - жетекшісі Данияр Рысбеков, Халық әні «Ағайша» Жанагүл Жармағанбетова, «Еркежан» қобызшылар ансамблі - жетекшісі Гүлдана Бекхожина, «Ақбота» халық би ансамблінің «Жастар» және «Испан», «Азербайжан» билері жетекшісі Айгерім Балғынбаева, облыстық, Республикалық, халықаралық байқауларының жеңімпазы Айгерім Муханбетжанованың орындаған Лари Фабианның «Аdajio» әні, «Қазына» халықтық ардагерлер хорының «Теміртау жастарының маршы», облыстық, Республикалық, халықаралық байқаулардың жеңімпазы Ақмарал Жәңкіш орындауындағы «Арман-ай» әні, М.Мақатаевтың «Шын ғашықпын» әдеби композициясы орындаған «Руханият» жастар бірлестігі, Н. Тілендиев «Алматым менің» орындаған «Ай-ару» вокалдық тобы, әншілер тобының орындаған М.Салықовтың «Отаным Қазақ елім» әні, сондай-ақ сахнаның тақырыпқа сай безендірілуі мен концерттің жоғарғы дәрежеде өтілуіне өзіндік үлес қосқан жүргізушілердің еңбектері де бағаланды.

Жыл бойы жасаған жылдық қорытынды есеп бойынша ұйымдастырылған концерттік бағдарламаның соңында қазылар алқасының мүшесі Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК басшысы Қалқаев Дамир Елтайұлы сөз алып, өз сөзінде Арқалық қалалық Мәдениет сарайының жанынан құрылған көркемөнерпаздардың елеулі еңбегін бағалап өз бағасын берді. Біздің өңірдің өнерпаздарының жылда заман талабына сай жаңашаландырылып, жыл сайын түрлі жанрды жарыққа шығарып, көркемдік, сахналық киімдерге ерекше көңіл бөлінгендігін атап өттіп, өз алғыстарын білдірді. Фестивалге жиналған өнер сүйер қауым жақсы көңіл күймен, ризашылықпен тарқасты.