#Repost @culture_arqalyq Ұлттық домбыра күні мен Арқалық қаласының туған күні және Құрманғазы Сағырбайұлының 205 жылдығына арналған «Домбыра-думан» атты аймақтық домбырашылар байқауы өтті
Шараның ашылу салтанатына қала әкімі Әмірхан Асанов қатысып, күй өнерінің қазақ үшін маңыздылығын айтып, байқауға қатысушыларға сәттілік тіледі.
Байқау шартына сай облысымыздың әр өңірінен келген өнерпаздар Құрманғазы, Тәттімбет, Дәулеткерей, Қазанғап, Дина, Сүгір сынды халық композиторларының туындыларын орындаудан өзара сынға түсті.
Нәтижесінде бас жүлдені Данияр Рысбеков (Қостанай қаласы, жүлде қоры 100 000 теңге) , 1 –орынды Ыбырай Есжанов (Қостанай қаласы, жүлде қоры 80 000 теңге), 2 – орынды Әділ АҚАН (Арқалық қаласы, жүлде қоры 60 000 теңге), 3 – орынды Қайсар Ниязбекұлы (Сарыкөл ауданы, жүлде қоры 40 000 теңге) мен Әсел Кәрібаева (Арқалық қаласы, жүлде қоры 40 000 теңге) иеленді. Құрманғазы Сағырбайұлының арнайы жүлдесіне Бейбарыс Нұрханов (Арқалық қаласы, жүлде қоры 30 000 теңге) лайық деп танылды.
Қалған 9 қатысушыға жақсы өнер көрсеткендері үшін мадақтама мен 20 000 теңгеден ақшалай сыйлықтар табыс етілді.
