2020 жылдың 28 қазанында Қостанай ауданының Instagram-дағы @cultura_tobyl парақшасында «Болашақа бадар - рухани жағыру» бағдарламалық мақаласының «Дала фольклоры мен музыкасының мың жылы» арнайы жобасын іске асыру шеңберінде «Ұлы Дала Үні» этно-фольклорлық ансамбльдерінің аймақтық онлайн фестивалі өткізілді.
Негізгі мақсаты қазақтың ежелден келе жатқан халық аспаптарын кеңінен насихаттау болып табылатын фестивальге 12 шығармашылық топ қатысты, оның ішінде Ақмола облысы Біржан сал ауданы Ж.Әлжановтың жетекшілігімен «Көкек» фольклорлық ансамблі болды, сондай-ақ Қостанай облысының этно-фольклорлық ұжымдары: «Көк бөрі», жет. М.Тілеуғабылов (Қостанай ауданы), «Сары көл сазы», жет. А.Сейдахметов (Сарыкөл ауданы), «Дала сазы», жет. А.Нұрланұлы (Амангелді ауданы), «Домбыра сазы», жет. М.Нұрмұхамбетов (Меңдіқара ауданы), «Жігер тобы», жет. А. А.Хамитбеков (Әулиекөл ауданы), «Саз тұмары», жет. Д. Қашқымбаев (Қамысты ауданы), «Ғасырлар пернесі», жет. Ж.Теміртаев (Жангелдин ауданы), «Әйет», жет. А.Бейбітхан (Б.Майлин ауданы), «Тұран-Торғай», жет. Б.Жүзбай (Алтынсарин ауданы), сондай-ақ Арқалық қаласының топтары - «Мұрагер», жет. Е.Шакиров және «Арқа сазы», жет. А.Ақанов.
Ұлттық аспаптарды шебер қолданатын фестиваль қатысушылары өздері орындаған даланың төл әуені көрермендерді қазақтың музыкалық мәдениетінің өзіндік хош иісінің атмосферасына бөлеп, көрермендердің жүрегінде ұмытылмас әсер қалдырды.
Құзыретті қазылар алқасы мүшелерінің құрамына: Қостанай облысы әкімдігінің мәдениет басқармасы халықтық көркемөнерпаздар және кинобейнеқор орталығының басшысы Қалқаев Дәмер Елтайұлы, Қостанай облысы мәдениет басқармасы, Е.Өмірзақов атындағы облыстық филармонияның қазақ халық аспаптары оркестрінің бас дирижері, М.Төлебаев атындағы V-ші Халықаралық «Алтын таяқ» байқауының лауреаты Оразалин Берік Ерназарұлы және қазылар алқасының төрағасы - Қостанай облысы әкімдігі мәдениет басқармасының «Е.Өмірзақов атындағы облыстық филармониясы» КМҚК қазақ халық аспаптары оркестрінің көркемдік жетекшісі, «Мәдениет саласының үздігі» белгісінің иегері, Қостанай облысы Меценаттар клубының лауреаты Байназаров Батырбек Қасымұлы кірді.
Қазылар алқасының шешімі бойынша фестивальдің БАС ЖҮЛДЕ иегері Сарыкөл ауданының «Сары көл сазы» этно-ансамбліне, ал Әулиекөл өңірінің «Жігер тобы» этно-ансамблі облыстық халық шығармашылығы және кинобейне қорынан арнайы сыйлыққа ие болды.
Байқау нәтижелері 2020 жылдың 4 қарашасында Instagram @cultura_tobyl парақшасында жарияланды.
