2018 жылдың 30 қарашасында «Алтын дән» МҮ-де Қазақстан Республикасының Тұңғыш Президенті күніне арналған «Елбасымыз - мемлекетіміздің бет айнасы» атты салтанатты шара өтті. Осы мерекелік күні  тәуелсіз Қазақстанның дамуы мен қалыптасуына үлес қосқан адамдарға марапаттар табысталды! Қазақстан Республикасы Президентінің жарлығымен «Астана 20 жыл» мерейтойлық медалімен марапатталды:
Ахметова Гүлсара Мұхамедиярқызы - Қостанай ауданы әкімдігінің «Ветеринарлық станциялар» бас бухгалтері;
Мантулин Валерий Андреевич - «Қостанайшинсервис» ЖШС директоры;
Соломонова Ольга Николаевна - мемлекеттік қызметтің ардагері.
Сондай-ақ, осы салтанатты күні, көп жылғы адал еңбегі үшін «Кітапхана ісі ардагері» төсбелгісі Қостанай ауданының орталықтандырылған кітапхана жүйесінің әдістемелік және библиографиялық бөлімінің меңгерушісі Ольга Николаевна Чернякқа табыс етілді.
 
Қазақстан Республикасының елордасы - Астана қаласының 20 жылдығында біздің ауданның әкімшілік мемлекеттік қызметшілерінің ант қабылдауының салтанатты рәсімі өтті.
 
Мерекелік бағдарламаға ауданның ең үздік шығармашылық топтары: «Тобыл сазы» қазақ халық аспаптар оркестрі, «Надежда» халықтық би ансамблі, Наталья Сухова мен Жанат Минайдар, Нуриден Кабыкенов, «Болашақ» хоры (Мәскеу қ.), Ботакөз Назар және Ислам Асқарбекұлы, «Фиджеттер» халықтық би ансамблі (Озерное ауылы), «Меруерт» би тобы (Мәскеу қ.), «Боярыня» фольклорлық ансамблі, ІІБ хорының сүйемелдеуіменАманат Кәкімжанов қатысты .