Фестиваль «Надежда» халықтық би ансамблінің орындауында «Ынтымақ – достық кепілі!» атты жарқын хореографиялық прологпен ашылды. 

Концерттің шығармашылық қойылымдары біртұтас сюжетке тоғысып, жанрлық әр алуандығымен олар бір-бірін үйлесімді толықтырды. Бұл күні көркемөнерпаздар өздерінің үздік қойылымдарын ұсынды. Туған жерге, оның табиғатының сұлулығына, Отанға деген сүйіспеншілікке арналған ән мен би орындалды. Жалпы әсерді қазақтың ұлттық аспаптарының үні, сондай-ақ республикамыздың аумағында тұратын халықтардың әртүрлі тілдерінде ән орындауы толықтырды. Фестиваль бағдарламасы классикалық музыкалық және каскадерлік цирктік композициялармен безендірілді. Түрлі жанрларды бір-бірімен үйлестіру бағдарламаның «ерекшелігіне» айналды. Бар шеберліктері мен дарынын жұмсаған шолуға қатысушылар көрермендер мен қазылар алқасына шығармашылық идеяларын жеткізе білді, сонымен қатар фестивальдің көркемдік мәнін толық аша білді.

Концерт соңында «Шабыт» ерлер вокалдық тобы «Туған ел» қорытынды композициясын орындады, оның аясында барлық шығармашылық ұжымдар сахнаға шықты.

Шара соңында Қостанай ауданының әкімі Таукенов Жансұлтан Қоңыртайұлы жиналғандарды құттықтап, фестивальге қатысушыларды марапаттау рәсімін өткізді.