Байқаудың мақсаттары мен міндеттері қазақ халқының бай музыкалық дәстүрлерін сақтау және танымал ету, оларға құрметпен қарауды қалыптастыру, халықтың, Қазақстанның мәдени мұрасына қызығушылығын дамыту; қазақ халық әндерін және қазақстандық композиторлардың шығармаларын танымал ету; Қостанай облысының аумағында тұратын жаңа таланттарды анықтау және қолдау; халықтың өз елінің дәстүрлі өнеріне қызығушылығын қалыптастыру, ұлттық мәдениетке құрметпен қарауды қолдау болып табылады; шығармашылығын өзара байыту және тәжірибе алмасу процесінде Қостанай облысының көркемөнерпаздар әртістері арасындағы достық қарым-қатынастарды нығайту.

Байқауға Қостанай облысы – Бейімбет Майлин атындағы аудан, Денисов, Меңдіқара, Әулиекөл, Федоров, Қамысты, Науырзым, Сарыкөл және Қостанай аудандарының 9 көркемөнерпаздар ұжымы қатысты. Ансамбльдер байқауға 2 композициядан: қазақ халық әні мен қазақстандық авторлардың шығармасын ұсынды.

Байқаудың қазылар алқасының құрамына: Қыдырбек Қиысқанұлы - қазақ халық әндерін орындаушы, жыршы, журналист, «Қостанай таңы» облыстық газетінің тілшісі, республикалық және халықаралық конкурстардың лауреаты, Қостанай облысы меценаттар клубының «Қазына» сыйлығының иегері; Талғат Молдағалиев - қазақ халық әндерін орындаушы, педагог, Е.Өмірзақов атындағы облыстық филармонияның әншісі., Халықаралық «Шабыт»сыйлығының иегері; Манапбек Қадыров - Е. Өмірзақов атындағы облыстық филармонияның әншісі. ҚР Мәдениет саласының үздігі, Халықаралық және республикалық байқаулардың лауреаты.  

Қазылар алқасының шешімі бойынша Қамысты ауданы Д.Т. Қашқымбаевтың жетекшілігімен «Саз тұмары» ансамблі Бас Жүлде иегері атанды; «Шалқыма» вокалдық домбырашылар ансамблі І дәрежелі лауреат атанды, жетекшісі: Сейтова А.Т., Қостанай ауданы; II дәрежелі лауреат дипломымен Б. Б. Ғазезовтың жетекшілігімен Денисов ауданының ұжымы; III дәрежелі лауреаты -Науырзым ауданының «Аққурай» ансамблі марапатталды, жетекшісі. Аменова Г. Б..

Федоров ауданы Т.А. Қуандықовтың жетекшісімен «Арыс» ансамблі, Облыстық көркемөнерпаздар халық шығармашылығы орталығы мен кинобейнеқорының арнайы ақшалай жүлдесінің иегері атанды. Байқаудың барлық қатысушылары дипломдармен және ақшалай сыйлықтармен марапатталды. Байқау офлайн режимінде өтті және Instagram @culture_tobyl парақшасында тікелей эфирде көрсетілді. Іс-шара көрерменнің де, сондай-ақ байқауға қатысушылардың да жағымды эмоциялары мен әсерлерін қалдырды.