Қазақстан Республикасының Конституциясы күні мерекесін тойлау қарсаңында АМҮ-нің ұйымдастыруымен «Халық шебері» атты аудандық фестивалі өтті.
Фестивальге ауданымызда тұратын қол өнердің әр түрлі саласымен айналысатын шеберлер қатысты. Атап айтқанда құрақ, дорба тігу, білтегеш және шотаяқпен тоқу, маран моншақтардан сәндік бұйымдар тоқу, канзаши, кестелеу, ағаштан ойып бұйымдар жасау, газеттен тұрмыста қолданатын заттар тоқу, терімен жұмыс және т.с.с. қол өнердің түрлерінен көздің жауын алатын керемет бұйымдардың көрмесі ұйымдастырылып, халық назарына ұсынылды.
Бұл іс-шарада шеберлер үйренем деушілерге шеберлік-сабақтарын да ұсынды. Сонымен қатар, іскерлердің бұйымдарын сатып алу да мүмкіндігі де қарастырылды. Барлық шеберлерге мадақтама қағаздары және естелік сыйлықтар табысталды.
Осындай тамаша фестивальді алдағы жылдары да жалғастырып, халық арасында көзге түспей жүрген іскерлерді қатыстырамыз деген мақсат қойып отырмыз.
Қазақстан Республикасының Конституциясы күні мерекесін тойлау қарсаңында АМҮ-нің ұйымдастыруымен «Халық шебері» атты аудандық фестивалі өтті.
