26 мамыр күні Қамысты аудандық Мәдениет үйінің залында "Рухани жаңғыру" бағдарламасы аясында "Мың бұралған бишілер" атты І аймақтық қазақ және заманауи би фестивалі өтті.
Аталған фестивальдің міндеттері: ұлттық мәдениетке ұқыпты қарауға тәрбиелеу, қазақ халқының мәдениеті мен шығармашылығымен танысу, қазақ халқының би мәдениетін танымал ету, салауатты бәсекелестік пен жарыспалылықты құру, хореографиялық өнердің көптүрлілігімен танысу, шығармашылық байланыстар орнату, халық арасында салауатты өмір салтын және толыққанды бос уақытты насихаттау, халықтың қалың көпшілігін бимен айналысуға тарту, Қостанай облысы аумағындағы шығармашылық бірлестіктер арасында тәжірибе алмасу мақсатында байланыс орнату.
Осы фестивальге 6 би ұжымы (барлығы - 79 биші) қатысты: аудандық "Кел билеік" конкурсының 1 дәрежелі лауреаттары "АДиЭльТа" би ұжымы, жетекшісі МИСЮРА Оксана Сергеевна Әулиекөл ауданы «Племзавод Москалевский» ЖШС
Славян мәдениетінің "Белые Росы" I, II облыстық фестивальдерінің қатысушысы, "Тобыл толқындары" би ұжымдарының облыстық конкурсының жүлдегерлері (3 орын), Денисов ауданының "Фаворит" би ұжымы, жетекшісі Коваль Кристина Геннадьевна
Лисаков қаласының "Талисман" хореографиялық ансамблі, жетекшісі Роут Юлия Николаевна, облыстық "Тобыл толқындары" конкурсының лауреаты, облыстық украин шығармашылығы фестивалінің қатысушысы.
"Нәзік" би ансамблі - Қамысты ауданы Алтынсарин а., жетекшісі Балмағамбетова Гүлжан Нұрланқызы. "Нәзік" ансамблі, халықаралық байқаудың дипломанттары, "Танец без границ" аудандық би фестивалінің "Үздік ауылдық хореографиялық ұжымы"номинациясы бойынша жеңімпазы, аудандық " Радуга талантов" фестивалінің "Хореография" номинациясы бойынша жеңімпазы.
"Сезім" би ұжымы - Қамысты ауданы Алтынсарин а. Жетекшісі Екатерина Леонидовна Ена. "Сезім" ансамблі - "Армандастар" облыстық балалар - фестивалінің 2 дәрежелі лауреаты, "Би - Рух тынысы" халықаралық фестиваль –конкурсының қатысушылары, аудандық және облыстық көркемөнер шығармашылық фестивальдарының қатысушылары.
"Зарянка" халықтық би ансамблі, жетекшісі Комарь Ольга Михайловна, ансамбль 40 жылдан астам уақыт бойы жұмыс істейді, "Болашақ" халықаралық конкурсының, "Наурыз достарын шақырады" халықаралық конкурсының лауреаты, "Көктем назы" республикалық би фестивалінің қатысушысы, «Қостанай комсомолы» сыйлығының лауреаты, осы жылдың облыстық "Тобыл толқындары" конкурсының жеңімпазы, облыстық фестивальдер мен конкурстардың тұрақты қатысушысы.
"Мың бұралған бишілер" фестивалі біздің ауданда алғаш рет өткізіліп отыр, бұл жыл сайынғы дәстүрге айналады деген үміттеміз» деген қошеметтеу сөзімен фестивальді мәдениет және тілдерді дамыту бөлімінің басшысы Жұмабаева Гүлнар Темірханқызы ашты.
Сахнаға қазақ билерін, содан кейін қазіргі заманғы, стильденген халықтық, сюжеттік және хореографиялық бейнелерді орындаған тамаша ұжымдар шықты.
Әсіресе қазақтың халық билері, эмоцияналды және көңілді, лирикалық және нәзік билер болды. Өйткені биде ұлттық мәдениеттің хош иісіне бай қазақтартың барлық рухани әлемі көрініс табады. Фестивальдің екінші бөлімінде балалар биінен бастап "На охоте" сюжеттік биіне дейін әртүрлілік болды. Көрермендер ду қол шапалақтап, залдан " Керемет!"Жарайсыңдар!" деп қошемет көрсетіп отырды. Өйткені біздің Қамысты көрермендері бірінші рет Денисов ауданының, Лисаков қ., Әулиекөл ауданының билерін көріп, көңілдері толды. Залда және сахнада қонақжайлылық, мерекелік жақсы көңіл-күй болды.
Одан кейін Мәдениет және тілдерді дамыту бөлімінің басшысы Жұмабаева Гүлнара Темірханқызы және Жастар ресурстық орталығының директоры Итесова Мақта Аманжолқызы марапаттау рәсімін өткізді. Әр ұжым сыйлық, мүсінше, естелік сыйлық және фестиваль қатысушысы дипломын алды. "Мәдени дәстүрлерді сақтағаны үшін" арнайы сыйлық "Қазақ биі" номинациясы бойынша Лисаков қаласының "Талисман" би ұжымына тапсырылды, оны "Нұр Отан" партиясы Қамысты аудандық филиалы төрағасының бірінші орынбасары Данат Сапарғалиұлы Серікбаев табыс етті.
Мен билеймін-демек, мен өмір сүремін!Осындай сөздермен жүргізуші Алена Досманова фестивальді аяқтады. Барлық қатысушылар сахнаға шығып, Ақжан Бисембай мен Анара Итесованың орындауында фестивальдің соңғы әні шырқалды.
Би ұжымдарының барлық басшыларына рахмет айтқымыз келеді! Оларға алдағы уақытта табыс, жеңіс, жаңа қызықты би мен қойылымдар және ең талантты балалар тілейміз. Өйткені би-әмбебап тіл! Би-бұл философия! Би-бақытқа жол!
Би-барлық ұрпақтың тарихы! Би-жүректеріміздің сенімі!
Би-бұл құмарлық, сезім, жүректің соғылуы және пульс ырғағы.
