20 сәуірде Рухани жаңғыру бағдарламалық мақаласының аясында АМҮ-де ІІ аудандық «Қамысты дауысы» вокалдық байқауы өтті. Бұл байқау екінші жыл қатарынан өтіп отыр. Байқауда ауданның өзінен және ауылдарынан келген 6 жаспен 18 жас аралығындағы 21 қатысушы өнерлерін сынатты. Олардың ішінде соло, дуэт, топ болып ән айтқан балалар болды. Қазақ, орыс тілдерінен басқа ағылшын, француз тілдерінде де әндер орындалды. Барлық қатысушыларға мадақтама грамоталар және ақшалай сыйлықтар табысталды.
