Абай лебі, Абай үні, Абай тынысы – заман тынысы, халық үні. Бүгінде ол үнге біздің де үніміз қосылып, хакім Абайдың 175 жылдығын атап өту мақсатында Арқалық қалалық Мәдениет сарайының ұйымдастыруымен «Өлең сөздің патшасы» атты Абай өлеңдері мен әндерінің қалалық ONLAIN байқауы өтті.
Байқауды негізгі мақсаты «Болашаққа бағдар: рухани жаңғыру» бағдарламасын жүзеге асыр отырып, Ұлы ақын Абай Құнанбаевтың өнегелі өмірі мен шығармашылығын насихаттау, сөз өнерінің қыр – сырын ашу, жас өрендердің поэзияға, әнге деген құштарлығын арттып, өнерлеріне жол ашып, қолдау көрсету болып табылады. Аталмыш іс-шара екі кезең бойынша өтті.
I кезең: «Абай әлемі» ақынның қара сөздері мен өлеңдерін нақышына келтіріп, видеоролик арқылы көркемдеп жеткізу;
II кезең: «Көңілім әнді ұғады» Абай әндерін орындау, видеоролик арқылы көркемдеп жеткізу;
Бұл шараға қаламыздағы оқу орындары мен білім ордаларынан барлығы 56 қатысушы үміткер өз өтініштері мен бейнероликтерін ұсынды. Әрине бұл бейнероликтер алдын-ала @culture_arkalyk инста парақшасында жарияланды. Нәтижесінде  қазылар алқасының шешімімен қорытындысы шығарылып, жеңімпаздар анықталды. Қатысушы үміткерлер екі кезең бойынша жас ерекшеліктеріне сай (7-12; 13-17; 18-25) бағаланды. Әлемде болып жатқан індеттің қауіпсіздік шараларын қатаң сақтай отырып, жеңімпаздар шақырылып, арнайы диплом мен ақшалай сыйлық табысталды. Дарынды шәкірттер дайындаған жетекшілерге мекеме атынан алғыс хат ұсынылды. 
 
Орындаған: Арқалық қалалық Мәдениет сарайының әдебиет бөлімінің меңгерушісі – Тапалова Замзагүл Ақылбекқызы