«Ерулік» атауымен облыстық форумы негізінде «Байрақты елім – байтақ елім» атты республикалық байқаулардың жеңімпазы, әнші, ақын, термеші Қыдырбек Қиысханның шығармашылық кеші
Өтетін уақыты:
2022 жылғы 9 желтоқсан, сағат 17:00-де
Өтетін орны:
Қостанай қаласы,
Ілияс Омаров атындағы Қостанай облыстық қазақ драма театры
Тауелсиздик 144
9 желтоқсан күні Ілияс Омаров атындағы Қостанай облыстық қазақ драма театрында «Ерулік» атауымен облыстық форумы негізінде «Байрақты елім – байтақ елім» атты республикалық байқаулардың жеңімпазы, әнші, ақын, термеші Қыдырбек Қиысханның шығармашылық кеші өтеді
Іс-шараны ұйымдастырушы – «Қостанай облысы әкімдігінің мәдениет басқармасы» ММ.
Шараның мақсаты: «Ерулік» атауымен облыстық форумы негізінде өңіріміздегі өнерлі қандастарымызды қолдау, өнерлерін паш ету.
Қыдырбек Қиысхан – Моңғолияның Бай-Өлке аймағында дүниеге келген. 1991 жылы отбасымен бірге атамекенге Қостанай облысы, Қамысты ауданының Қарабатыр ауылына көшіп келген. Облыстық «Қостанай таңы» газетінің тілшісі. Облыстық «Жас тұлпар» оқушылар айтысының 3 дүркін жеңімпазы, республикалық, халықаралық айтыстардың жүлдегері. Облыстық, республикалық, халықаралық жыршы-термешілер байқауларының лауреаты. Халықаралық «Мен қазақпын» мегажобасының Қостанай облысы бойынша іріктеу сайысының жеңімпазы, «Үздік аймақтық әнші» номинациясы иегері. Халық әндері мен халық композиторларының әндерін, жырау, би-шешендердің сөз-жауһарларын насихаттаушы. Қостанай облыстық Меценаттар клубының «Қазына» сыйлығының лауреаты. Қостанай облысы әкімі сыйлығының иегері. Қызылорда қаласында өткен қобызбен жыр орындаушылар байқауының ІІ орын жүлдегері.
Облыстың электрондық және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.
Қосымша ақпарат алу үшін мына байланыс нөміріне хабарласуға болады:
тел.: +7 /7142/ 560-129
email: 1@ocsnt.kz
website: www.ocsnt.kz
