Тақтақ ақын Нұржан Наушабаев атындағы "Арқада Наушабайдың Нұржаны өткен" атты ІІІ республикалық жыр-терме, дәстүрлі ән орындаушылар байқауы өтетінін хабарлаймыз!
Наушабайдың Нұржаны – тұтас ұлт болып мақтан етуге лайық тұлғалардың бірі, атақты ақын, әйгілі әнші, дәулескер күйші, таңды таңға жалғаған жыршы, айтыста алдына жан салмаған сүлей, жамбасы жерге тимеген балуан, жүйрік мініп, құс салған саятшы – бір сөзбен айтқанда, нағыз дарын иесі болған. "Ұйықтама, оян, Алашым!" деп ұлтына ұран тастаған шайырдың шоң шығармалары, сом туындылары, діни-ағартушылық бағыттағы өр рухты, терең мазмұнды өлең-жырлары, шын мәнінде, қазақ халқының сарқылмас қазынасы. Ендеше, тақтақ ақынның, атпал дарынның асыл мұрасын насихат етіп отыру – ұрпақтың айнымас борышы.
Облысымызда жыл сайын өтіп жүрген дәстүрлі ән, жыр-терме думанының басты мақсаты да сол: Нұржан бабамыздың кемел мазмұнды әндерін, жырларын жаңғырту,
Олай болса, дәстүрлі байқауымызда бабы мен бағын сынауға республиканың әр түкпірінен келіп қатысқалы отырған қатысушыларымызға сәттілік тілейміз!
17 – 18 қараша күндері Қостанай ауданы, «Алтын дән» мәдениет үйінде өтетін өнер байгесінің көрермені болыңыздар!
