Алаш арыстары Ахаң мен Жахаңның ескерткіші ашылып, қос тұлғаның музейі жаңғырту жұмыстарынан кейін көпшілікке есігін айқара ашты. Мерейтойлық шараларға ҚР Парламенті Сенатының төрағасы Мәулен Сағатханұлы Әшімбаев қатысты.
Адамдық диханшысының тойына Мемлекеттік сыйлықтың иегері, ғалым, жазушы Қойшығара Салғараұлының келуі ел үшін үлкен қуаныш болды.
Жиналған қауым, мәртебелі меймандар Жеңіс Жұбанқосов жасаған ескерткіштің сәтті шыққанын айтып, ризашылығын білдірді. Жаңарған, жаңғырған музей де тау тұлғаларымыздың есіміне лайықталып, жаңа мазмұнмен толықты.
Осы жауапты істі мүлтіксіз атқарған Гүлбану Сәрсекей бастаған музей ұжымына ерекше алғысымды жеткізгім келеді. "Жұмыла көтерген жүк жеңіл" деген дана халқымыз. Ахмет атамыздың тойына атсалысқан азаматтарға мың алғыс!
