«Елубай Өмірзақов атындағы аудандық мәдениет үйі» ММ «Халық театры» ұжымының шығармашылық сипаттамасы
17.05.2023
964
0
Ақпаратты достарыңызбен сілтеме арқылы бөлісіңіз:
Халық театрының тарихы 1947 жылдан басталады , сол кезде аудандық мәдениет үйінде ұзақ уақыт бойы Петр Григорьевич Чермошенцев басқарған драма үйірмесі ұйымдастырылды. 1960 жылдан бастап көркемөнерпаздар драма ұжымына "халық театры"атағы берілді. 1989 жылдан бастап ұжымды Петр Григорьевич Чермошенцев зейнетке шыққаннан кейін Нина Владимировна Луценко басқарады.
Осы жылдар ішінде ұжыммен 170-тен астам спектакль қойылды . Халық театрының ұжымы-сахнаға ғашық адамдар, өз ісінің жанкүйерлері, театрды шексіз сүйетін және оған жанқиярлықпен берілген адамдар.
23 театр әртісіне лауреат атағы берілді. 90-шы жылдардан бастап халық театрының репертуары екі тілге жүргізіледі. Б. Майлиннің "Неке қияр", С.Лобозеровтың «Семейный портрет с посторонним», «Поздняя любовь»
А. Островский, «Раушан коммунист» Б.Майлиннің, Қ. Мұхаметжановтың «Қуырдақ дайын», А. Чеховтың «Маленькие комедии», Б. Майлиннің «Келін», Н. Федоровтың «Аз и Ферт», Е. Шварцтың «Золушка», «Кот в сапогах» спектакль-мюзикли, және т. б спектакльдер қойылды.
2011 жылы ұжым ҚР Тәуелсіздігінің 20 жылдығына арналған «Өркендей бер, Тәуелсіздік елім!» атты халық театрларының облыстық фестиваліне қатысты.
2019 ж. Арқалық қаласында өткен Сейіт Кенжеахметовтың 80 жылдығына арналған «Мірдің оғы» республикалық фестиваліне қатысты.
2021 жылы «Халық театры» Тюмень қаласындағы XI Халықаралық «Сібір бұлақтары» халық мәдениеті байқауының лауреаты атанды.
2021 жылы ХХХIV облыстық халық шығармашылығы фестивалінде «Үздік театр ұжымы» номинациясына ие болды.
Қазіргі күні Халық театры «Мірдің оғы» республикалық байқау- фестиваліне дайындалуда.
