Қостанай облысы әкімдігі мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК ұйымдастыруымен 2021 жылдың 15 сәуір күні Қостанай ауданы, Тобыл қаласы «Алтын дән» мәдениет үйінде «Шаңырақ» Ұлттық өнер орталығының алғашқы іс-шарасы «Жас тұлпар» облыстық оқушылар айтысының қатысушылары үшін «Тобыл-Торғай ақындары» тақырыбында шеберлік сағаты өтті.
Айтыстың мақсаты – болашақ ұрпаққа айтыс өнерін жеткізу, оқушылардың шығармашылық қабілетін дамыту, ағартушы-педагог, этнограф Ы.Алтынсариннің мәдени мұрасын дәріптеу, өз ойын поэзия тілімен шебер жеткізе алатын оқушы ақындарды анықтау.
«Жас тұлпар» облыстық оқушылар айтысына Қостанай қаласынан Ы.Алтынсарин атындағы мамандандырылған мектеп-интернатынан, Амангелді, Б.Майлин, Жангелдин, Жітіқара, Қарабалық аудандары мен Рудный, Арқалық қалаларынан 11 ақын қатысты.
Жітіқара ауданының атынан ақындар мектебінің жетекшісі С.Аюповтың жетекшілігімен жас ақын - Торезат Альфараби қатысты.
Қалиев Айбек Киікбайұлы - «Құрмет» орденінің иегері, ҚР Мәдениет саласының үздігі АрқМПИ профессоры Қазылар алқасының төрағасы Жітіқарадан келген қатысушыға айтыс шеберлік сыныбын аяқтағаны туралы сертификат ұсынды және жеке ризашылығын білдіріп ақшалай марапаттады.
Государственное коммунальное казенное предприятие «Районный Дворец культуры» государственного учреждения «Отдел культуры и развития языков акимата Житикаринского района»
Юридический адрес:
г. Житикара
индекс: 110700
6 микрорайон, 66 дом.