ҚазССР-нің Еңбек сіңірген мәдениет қызметкері, Қазақстан композиторлар Одағының мүшесі, Аманкелді ауданының құрметті азаматы, әнші-композитор Қалибек Деріпсалдиннің әндерін орындаушылардың Республикалық «Көктем-қыздар» атты ән байқауы жөніндегі хабарлама
13.04.2018
3208
0
Ақпаратты достарыңызбен сілтеме арқылы бөлісіңіз:
ҚазССР-нің Еңбек сіңірген мәдениет қызметкері, Қазақстан композиторлар Одағының мүшесі, Аманкелді ауданының құрметті азаматы, әнші-композитор Қалибек Деріпсалдиннің әндерін орындаушылардың Республикалық «Көктем-қыздар» атты ән байқауыжөніндегі хабарлама
2018 жылғы 12 -13 сәуір күндері ҚазССР-нің Еңбек сіңірген мәдениет қызметкері, Қазақстан композиторлар Одағының мүшесі, Аманкелді ауданының құрметті азаматы, әнші-композитор Қалибек Деріпсалдиннің
әндерін орындаушылардың Республикалық «Көктем-қыздар» атты ән байқауы өтіп, байқаудың І-кезеңінде қатысушылар қазақ ұлт аспаптар оркестрінің сүйемелдеуімен 2 ән орындады, орындаған 1 ән міндетті түрде Қалибек Деріпсалдиннің, екінші ән өз қалауы бойынша көрнекті композиторлар Бақытжан Байқадамов, Бақытжан Сәуекенов, Әбілахат Еспаевтың шығармасынан болды. ІІ кезеңде эстрада жанрындағы Қалибек Деріпсалдиннің 1 әнін орындады.
Байқауға Батыс Қазақстан облысы, Ақмола облысы, Қостанай облысы, Тараз, Алматы, Ақтөбе қалаларынан 20 үміткер қатысты.
Республикалық әншілер байқауында елімізге танымал мәдениет және өнер қайраткерлері төрелік етті. Олар: Үсенов Ермұрат Үсенұлы– Қазақстанның еңбек сіңірген қайраткері, Қазақстан композиторлар Одағының мүшесі, профессор;
Дәлденбай Бейбіт Әбілұлы– Қазақстанның еңбек сіңірген қайраткері, Қазақстан композиторлар Одағының мүшесі, Алматы облысының құрметті азаматы, профессор;
Жұмекенова Ғазиза Жұмекенқызы – Қазақстанның Еңбек сіңірген әртісі, Үкілі Ыбырай атындағы Ақмола облыстық филармонияның әншісі;
Молдахметов Назымбек Молдабекұлы – Қазақстанның еңбек сіңірген қайраткері, Е. Өмірзақов атындағы облыстық филармонияның қазақ ұлт аспаптар оркестрінің көркемдік жетекшісі және бас дирижері.
Республикалық әншілер байқауының жеңімпаздары:
Бас жүлде - Жанатбек Кәдіров Тараз қаласы
1 орын – Дария Бахитова Дастан Есентеміров Батыс Қазақстан облысы
2 орын – Нұртас Омаров Ақтөбе қаласы
2 орын – Қанат Ражанов Меңдіқара ауданы
3 орын –Гүлбақыт Жаңбырбаева Алтынсарин ауданы
3 орын –Азамат Мұқатов Қостанай қаласы
3 орын –Алмат Әмірғазин - Ақмола облысы, Зереңді ауданы
Дипломант атанып Бақытжан Байқадамов атындағы жүлдеге ие болған – Динара Намиялы Қостанай қаласы.
Дипломант атанып Әбілахат Еспаев атындағы жүлдеге ие болған – Жоламановтар отбасы Жангелдин ауданы.
Дипломант атанып Болат Хамзин атындағы жүлдеге ие болған – Түлкібай Бағлан Рсмаганбетовтар Қостанай қаласы Қалған әншілерге Ескерткіш сыйлықтар мен арнайы Алғыс хаттар табыс етілді.
Байқауды өткізудегі мақсат – қазақ әндерінің дамуына өлшеусіз үлес қосып жүрген Қ. Деріпсалдин шығармашылығын келер ұрпаққа жалғастыру, композитор арқылы елдің рухын биіктетіп, ән өнерін дамыту және өнер әлеміне композитор өміршең әндерімен талантты орындаушылардың жаңа есімдерін ашу .
Көрермендер саны–500 адамды құрады.
