Қостанай облысы әкімдігі Мәдениет басқармасының "Облыстық көркемөнерпаздардың халық шығармашылығы және кинобейнеқор орталығы" коммуналдық мемлекеттік қазыналық кәсіпорнының сыбайлас жемқорлыққа қарсы стандарты

Қостанай облысы әкімдігі Мәдениет басқармасының
"Облыстық көркемөнерпаздар орталығы
халық шығармашылығы және кинобейнеқор орталығы» КМҚК
2018 жылғы " 09 " сәуірдегі №_13 бұйрығына қосымша

Сыбайлас жемқорлыққа қарсы стандарт
Қостанай облысы әкімдігі Мәдениет басқармасының
"Облыстық көркемөнерпаздар халық шығармашылығы және кинобейнеқор орталығы"
коммуналдық мемлекеттік қазыналық кәсіпорны

1. Қоғамдық қатынастар салаларының атауы: мәдениет саласы.
2. Сыбайлас жемқорлыққа қарсы стандартты әзірлеуші: Қостанай облысы әкімдігі Мәдениет басқармасының "Облыстық көркемөнерпаздар халық шығармашылығы және кинобейнеқор орталығы" коммуналдық мемлекеттік қазыналық кәсіпорны
3. Шектеулер мен рұқсаттар:
1) мәдениет саласындағы заңды және жеке тұлғалардың құқықтары мен заңды мүдделерін іске асыру кезінде:
жеке және заңды тұлғалар құқықтарының, бостандықтары мен заңды мүдделерінің сақталуын және қорғалуын қамтамасыз ету, құзыреті шеңберінде жеке және заңды тұлғалардың өтініштерін заңнамада белгіленген тәртіппен және мерзімінде қарау, олар бойынша қажетті шаралар қабылдау;
жеке және заңды тұлғалардың құқықтары мен заңды мүдделерін қозғайтын шешімдерді қабылдаудың ашықтығын қамтамасыз ету;
жеке сипаттағы мәселелерді шешу кезінде жеке және заңды тұлғаларға ықпал ету үшін өзінің қызметтік өкілеттілігін пайдаланбау;
қызметтік міндеттерін тиімді атқару үшін өзінің кәсіби деңгейі мен біліктілігін арттыру, Қазақстан Республикасының заңдарында белгіленген шектеулер мен тыйымдарды сақтау;
2) шешімдерді дайындау және қабылдау кезінде өз құзыреті шеңберінде:
мүдделер қақтығысына жол бермеу, олар туындаған жағдайда заңнамаға сәйкес оларды жою бойынша шаралар қабылдау;
шешім қабылдау кезінде үшінші тұлғалардан (көрсетілетін қызметті алушылардан) өз заңды міндеттерін орындауға байланысты ешқандай материалдық игіліктер, қызметтер және өзге де өктемдіктер қабылдамау);
өздеріне берілген құқықтар шегінде және лауазымдық міндеттеріне сәйкес өкілеттіктерді жүзеге асыру;
мәдениет саласындағы заңнаманы сақтау;
3) іс-шараларды (концерттер, конкурстар, фестивальдар, байқаулар және т. б.) дайындау және өткізу кезінде:
жеңімпаздарды анықтау кезінде ешкімге басымдық көрсетпеу;
іс-шараға қатысқан кезде барлық қатысушыларға тең қолжетімділік көрсету;
жетекші, солистерді, іс-шаралардың өзге де қатысушыларын таңдау кезінде біреуге бүйрек бұрмау.
4) ерекшеліктерге байланысты туындайтын өзге де өзара қарым-қатынастар кезінде:
мемлекет мүддесіне нұқсан келтіретін, кәсіпорынның жұмыс істеуіне кедергі жасайтын немесе тиімділігін төмендететін іс-әрекеттерге қарсы тұру;
заңнамада тәртіптік, әкімшілік жауапкершілікке әкелетін құқық бұзушылықтар мен теріс қылықтардың жасалуына жол бермеу;
мәдениет, этносаралық келісім, тілдерді дамыту, мемлекеттік рәміздерге қатысты мемлекет мүддесіне нұқсан келтіретін іс-әрекеттерге қарсы тұру;
5) қызмет көрсету кезінде:
мәдениет саласындағы нормативтік құқықтық актілерге сәйкес қызметтер көрсету;
көрсетілетін қызметті алушылардың шағымдарын қарау және оларды белгіленген мерзімде қарау нәтижелері туралы хабардар етеді;
көрсетілетін қызметті алушылардың сұрау салуы бойынша қызметтің орындалу сатысы туралы хабардар ету;
іскерлік әдепті және ресми мінез-құлық қағидаларын сақтау.
4. Қостанай облысы әкімдігі Мәдениет басқармасының "Облыстық көркемөнерпаздар халық шығармашылығы және кинобейнеқор орталығы" КМҚК қызметкерлерінің сыбайлас жемқорлық фактілеріне тап болған кездегі іс-әрекеттері:
1) Егер қызметкердің ақпараты болса, ол сыбайлас жемқорлық құқық бұзушылығы туралы мұндай заңсыздықты болғызбау және тоқтату жөнінде қажетті шаралар қолдануға, оның ішінде өзінен жоғары тұрған басшыға, өзі жұмыс істейтін кәсіпорынның басшылығына, уәкілетті мемлекеттік органдарға жазбаша түрде дереу хабарлауға тиіс.
2) Сондай-ақ кәсіпорынның қызметкері өзін басқа адамдардың сыбайлас жемқорлық жасауға итермелеу деректері туралы жоғарыда көрсетілген адамдар мен органдарды дереу жазбаша түрде хабардар етуге міндетті.