2025 жылғы қаңтар айында жолданған хаттың жалғасы ретінде, Қазақстан Республикасының «Ақпаратқа қол жеткізу туралы» Заңының нормаларын орындау қажеттігін ескертеміз.
 

2026 жылғы 12 қаңтарға дейін барлық АМҮ және ҚМҮ ресми интернет-ресурстарын аталған Заңның 16-бабының 3-тармағында белгіленген талаптарға сәйкестігіне тексеру қажет:

Ақпарат иеленушілер интернет-ресурстарында мынадай жалпы ақпаратты орналастыруға міндетті:

Қызметі туралы жалпы ақпарат: ұйымдық құрылымын, басшылар мен олардың орынбасарлары туралы, олардың кураторлық салаларындағы лауазымдық міндеттері, еңбек қызметі мен білімі туралы мәліметтерді; электрондық пошта мекенжайлары мен телефон нөмірлері сияқты байланыс деректерін.
 

Төмендегі сайт бөлімдеріндегі ақпараттың өзектілігіне ерекше назар аударуларыңызды сұраймыз: «Біздің әртістер», ««Халықтық» ұжымдар», «Мәдениет үйі/Сарайы», «Құрылым, бөлімдер», «Басшының өмірбаяны», байланыс деректері мен ұйым реквизиттері.
 

Қажет болған жағдайда жаңартылған ақпаратты admin@ocsnt.kz электрондық поштасына жіберуге болады (ақпаратты қосу/жою, бөлімдерді құру/жою).
 

Назар аударамыз! «Ақпаратқа қол жеткізу туралы» Заңның 8-бабына сәйкес, ақпараттың уақытылы және нақты орналастырылуына мекеме басшысы жауапты.