Жергілікті өнерпаздарға қолдау көрсетіп, олардың өнерін тамашалауға тұрғындар көп жиналды. Жанкүйерлер арасында аудан әкімінің орынбасары Ерболат Ыбраев болды. Биыл аймақтық дәрежедегі байқау отыз жетінші рет өтуде. Ұйымдастырушы – облыстық мәдениет басқармасы. Көрермендер сахнада сан түрлі бағыттағы өнерді тамашалады. Мұнда мың бұралған би де, күмбірлеген күй де, әуезді әсем ән де әрбір адамның жүрегіне жол таба білді. Көбіне ұлттық нақыштағы шығармалар орындалғанын айта кету керек. Түрлі жанрдағы ән, би, күй, театр, цирк байқау-фестивальге бөлінген уақытта әп-сәтте өтіп кетті. Өнерпаздар да концерттік нөмірлерді бір деммен орындап шықты. Қазылар алқасы барлық шығармаларды жоғары бағалап, келесі қатысушыларға сәттілік тіледі. «Экзерсис» халық би ансамбілінің, «Даймондс» би ансамбілінің, театр ұжымының өнерін айырықша бағалады. Мерекелік іс-шараға қолдау көрсетіп келген көрермен қатысушыларға ыстық ықыластарын білдіріп ду – қол шапалақтарын аямады. Концерттік бағдарлама жоғары деңгейде өтті.