БАСПАСӨЗ ХАБАРЛАМАСЫ: Республикалық мобильді кино фестивалі

БАСПАСӨЗ ХАБАРЛАМАСЫ

Республикалық

мобильді кино фестивалі

Өтетін күні:

26 қараша, 2021 жыл;

Өтетін орны:

Қостанай қаласы, Жастар Сарайы

(Юбилейный шағын ауданы, 56-ғимарат)

2021 жылдың 26 қарашасы күні Қостанай қаласында алғаш рет
Республикалық мобильді кино фестивалі өтеді

Мобильді кино фестивалінің мақсаты – аймақтардағы креативті индустрияны дамыту, сондай-ақ дарынды жастарды анықтау және оларға қолдау көрсету.

Фестиваль өткізу идеясының авторы – проюсер әрі сценарист, "Аға" фильмінің режиссері Фархат Серкебаев.

Бұл іс-шара Қостанай облысы әкімдігінің қолдауымен өткізіліп отыр.

Іс-шараны ұйымдастырушылар:

- "Қостанай облысының әкімдігі" ММ;

- "Қостанай облысы әкімдігінің Мәдениет басқармасы" ММ;

- Фархат Серкебаев – режиссёр, продюсер, сценарист.

Мобильді киноның бірегей ерекшелігі – артық шығынсыз болуы жағынан да, ұдайы қалтаңызда жүретін смартфонның көмегіне жүгіну тұрғысынан да қолжетімділігінде. Дей тұрғанмен, оның ең басты "фишкасы" – шынайы авторлық табиғатында және шығармашылық қиялды жүзеге асыру үшін шектеусіз мүмкіндіктің берілуінде.

Мобильді фильм түсіруші бір туынды аясына сценарист, режиссер, оператор, монтаждаушы және тіпті әртістік қабілеттерін біріктіре білуі тиіс. Мобильді киноның және мобильді контенттің басқа да түрлерінің басты мәні – үлкен камераларға түсіру мүмкін бола бермейтін жаңа заманауи визуалды тіл, жаңа кейіпкерлер, жаңа оқиғалар іздеуден туындайды.

Мобильді кино фестиваліне ұзын саны 100-ден астам өтінім келіп түсіп, оның ішінен ұйымдастыру комитеті 40 номинантты анықтады (8 аталымда 5 жүлдегерден).

Фестивалдің қазылар алқасы: Айдархан Әділбаев – "Қазақфильм" АҚ вице-президенті; Мұрат Бисенбин – актер; Айнұр Нұрсейітова – блогер, актриса; Фархат Серкебаев – режиссёр, продюсер, сценарист; Төлепберген Байсақалов – актер, режиссер.

Облыстың электронды және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.