Ақын, Жамбыл атындағы Халықаралық сыйлықтың лауреаты, Қостанай мемлекеттік педагогикалық институтының профессоры Серiкбай Оспанов 1945 жылдың 1 сәуiрiнде Қостанай облысындағы Жангелдин ауданының Шилi кеңшарында, Балдай қоныс орнында туған. 1963 жылы Қамысты ауданындағы Бестау орта мектебiн бiтiргеннен кейiн өзi туып өскен Шилi кеңшарындағы 8 жылдық мектепте аға пионервожатый болып еңбек жолын бастады. 1968 жылы қазiргi әл-Фараби атындағы ҚазМҰУ-дiң журналистика факультетiн бiтiрiп, республикалық радиода редактор (1968-1978), “Жалын” баспасының поэзия редакциясының меңгерушiсi (1978-1996) қызметтерiн атқарды. 1997 жылдан А.Байтұрсынов атындағы Қостанай мемлекеттiк университетiнде, 2005 жылдан бері Қостанай мемлекеттік педагогикалық институтында кафедра меңгерушiсi, доцент, профессор әрі І. Омаров атындағы қазақ драма театрында әдебиет бөлімінің меңгерушісі болып қызмет атқарды.
Сізді, Н.Ахметбеков атындағы МҮ ұжымы атынан келіп жеткен туған күніңізбен құттықтаймыз!
Сізге және туыстарыңызға денсаулық пен қуаныш, амандық пен бақыт тілейміз.