"Рухани жаңғыру" бағдарламасы аясында Б. Майлин ауданы әкімдігінің мәдениет және тілдерді дамыту бөлімінің ұйымдастыруымен Абай Құнанбаевтың 175 жыл толуына арналған аймақтық ақындар айтысы ауданның тауар өндірушілерінің қолдауымен, маусымның 25-26 күндері онлайн режимінде өткізілді. Сөз сайысына Қостанай, Рудный, Арқалық қалалары мен Меңдіқара, Амангелді, Б. Майлин аудандарынан 6 ақын қатысты. Олар республикалық облыстық айтыстардың жүлдегерлері: Ғалымгерей Кенжеғозин, Мамай Ізтілеу, сондай-ақ жас суырып салушылар Ернұр Әуезхан, Нұрсұлтан Қасым, Серікболсын Әбікен және Дінмұхамбет Құсаинов.
Ақындар шығармашылығын облыстық мәдениет басқармасының, және Б. Майлин ауданы әкімдігінің мәдениет және тілдерді дамыту бөлімінің мамандары бағалады. Ақындар өз кезегінде Ұлы Абай туралы оның шығармашылығы нақыл сөздері жайлы ой толғап, ауданның жетістіктерін де айтып өтті.
Қазылар алқасының шешімі бойынша бас жүлдені Амангелді ауданының ақыны Серікболсын Әбікен иеленді. Бірінші орынды Б. Майлин ауданының намысын қорғаған Мамай Ізтілеу иеленді. Екінші орынды Рудныйлық Ғалымгерей Кенжеғозин жеңіп алды. Үшінші орын Қостанайлық жас ақын Қасым Нұрсұлтанға бұйырды. "Бейімбет Майлиннің арнайы жүлдесі" Арқалық қаласының ақыны Ернұр Әуезханға бұйырды. Айтысқа қатысқаны үшін Мендіқаралық Дінмұхамбет Құсаиновта сыйлықпен марапатталды.
