1 Мамыр — Қазақстан халықтарының бірлігі күні. Бұл күн тек қана бір-бірімізді еске алып қана қоймай, шын жүректен бақыт, денсаулы, татулық тілейтін күн.
Қазақстан халықтарының бірлігі күні – біздің көпұлтты ұланғайыр еліміздің әр тұрғыны үшін асыға күтетін мерекесі. Шуақты көктемгі мейрам еліміздің әр аймағында мерекелік шерумен және көптеген көңілді іс-шаралармен аталып өтіледі.
Біздің Қамысты ауданында да аудан орталығының кәсіпорвындары мен ұйымдарының қатысуымен «Бір шаңырақ астында» атты мерекелік шеру өтті. Аудан әкімі Бекмұхамедов Ғ.Е. аудан тұрғындарын достық мерекесімен құттықтады. Ұлттық киімдегі арулар мейрамды тойлауға келгендерді шашумен қарсы алды. Сонымен қатар ауданның ұлттық мәдени- орталықтарының өкілдері ана тілдерінде құттықтады.
АМҮ-нің ұлттық-мәдени орталықтары – бізде олар бесеу: қазақ ҰМО, орыс ҰМО, украин ҰМО, татар-башкир ҰМО, неміс ҰМО, көрмелер ұйымдастырды. Әр орталық өз көрмесін ұйымдастырды: салт-дәстүрлермен, әдет-ғұрыптармен, ұлттық ойындармен таныстыратын сәндік-қолданбалы өнер, тұрмыстық заттар, ұлттық киімдер қойылды. Бұл жерде аудан тұрғындарына қазақ, орыс, украин, татар-башқұрт, неміс тағамдары ұсынылды. Дастархандар сан түрлі дәмді асқа толы болды.
Жазғы сахнада АМҮ-нің көркемөнерпаз артистері өнер көрсеткен концерт болды, Сахнада қазақ, орыс, украин, ағылшын, француз және т.б. тілдердегі әндер шырқалды.
Осы жерде «Рухани жаңғыру» бағдарламалық мақаласының аясында «Ата салтын сақтаймыз» деп аталатын аудандық салт-дәстүрлер фестивалі өтті. Халыққа кеңінен таралған салттар мен бірге, ұмытылып бара жатқан салт-дәстүрлер де көрсетілді. Тойға байланысты, тұрмыстық-отбасылық: қазақы - «Бесікке салу»; орыстың - «Плетение кос»; украиннің - «Сватанки»; татардың - «Сёз кесим», немістің – «Бөренені кесу» және т.б. тамашаладық.
Фестиваль танымды және қызықты шықты. Фестивальдің соңында барлық қатысушылар дипломдармен және естелік сыйлықтармен марапатталды.
Сол күннің кешінде мерекелік дискотека болып өтті.