27 сәуірде, Әлемдік би күні қарсаңында (29 сәуірде) және Қазақстан халықтарының бірлігі күні қарсаңында (1 мамыр), аудандық Мәдениет үйінде IV «Танец без границ» атты көркемөнерпаз би өнерінің аудандық фестивалі өтті.
Фестиваль ауданда хореграфия жанрын насихаттау мақсатында өтеді.
Бұл іс-шараға қатысуға ауданымыздан 13 би ұжымының жетекшісі және 1 Жітіқара ауданының би ұжымының жетекшісі өтініш берген болатын.
Былтырғы жылмен салыстырғанда атаулы іс-шараға қатысушылар 46% көбірек келді. Бұл атаулы фестивальдің жылдан жылға кең етек жайып келе жатқанын дәлелдейді.
Жалпы алғанда осы іс-шараға 146 көркемөнерпаз бишілер келді. Жанрлардың сан түрлілігі бірде бір көрерменді таң қалдырмай қоймады: балалар биі, сюжеттік, халық биі, сахналық, қазіргі заман, тақырыптық, акробатикалық билер бірінен соң бірі шығып жатты. Барлығы 41 би көрсетілді. Ең кіші биші - 4 жаста, ал ең үлкені – 21 жаста болды, бұл да хореграфия өнерінің жас талғамайтынының тағы бір дәлелі іспетті.