Латын қарпіне көшуЕліміздің Тұңғыш Президенті Нұрсұлтан Назарбаев латын әліпбиіне көшу қажеттілігі туралы айта келіп, бұл "ұлт шешуі тиіс қағидатты мәселе"екенін атап өтті. Латын әліпбиіне көшу қазақ тілін жаңғыртуға жағдай туғызуға тиіс. Ұлт Көшбасшысы Н.Ә. Назарбаевтың "Болашаққа бағдар: рухани жаңғыру" атты сәуір бағдарламалық мақаласы қоғамда кең резонанс тудырды. "Қоғамдық сана жаңғырту қағидаттарын әзірлеуді ғана емес, дәстүрдің ұлы күшін жоғалтпай уақыт талабына жауап беруге мүмкіндік беретін нақты жобаларды да талап етеді. Мен алдағы жылдары өрістетуге болатын бірнеше нақты жобаларды көріп отырмын. Біріншіден, қазақ тілін біртіндеп латын әліпбиіне көшіру жұмысын бастау керек", - деді Нұрсұлтан Әбішұлы өз мақаласында.
"Қазақстан-2050 "Стратегиясында Мемлекет басшысы 2025 жылдан бастап латын қарпіне көшу туралы жариялады. Бұл реформаны енгізу Елбасының саяси шешімі болды. Осыған байланысты Үкіметке нақты тапсырмалар беріліп, латын әліпбиіне көшу жөніндегі мемлекеттік комиссия құрылды. Оның құрамына Үкімет мүшелері, депутаттар, ғалымдар кірді. Латын әліпбиіне көшудің нақты кестесі әзірленді. Назарбаев жаңа әліпби жас ұрпаққа қиындық туғызбайтынын, себебі оқушылар ағылшын тілін үйренетінін атап өтті. Өркениетті әлем латын графикасын бұрыннан қолданып келеді. Латын әліпбиі әлемнің 100-ден астам елінде қолданылады. Түркия 1929 жылдан бастап, Әзірбайжан 1992 жылдан бастап, Өзбекстан мен Түрікменстан 1993 жылдан бастап латын әліпбиіне көшті. Қазақстанда латын әліпбиінің 1929-1940 жылдар аралығында қолданылғаны тарихтан белгілі. Бірақ кеңестік режимнің идеологиялық саясатына байланысты Қазақстан кириллицаға көшуге мәжбүр болды. ХХ ғасырда Қазақстан әліпбиді үш рет өзгертті (1929 жылға дейін араб графикасы қолданылды, 1929-1940 жылдары латын әліпбиі қолданылды, 1940 жылдан бастап кириллица алфавиті пайдаланылды).
Осыған байланысты, 2020 жылдың 14 ақпанында аудандық мәдениет үйінде " Латын әліпбиін қолдаймыз!". Акцияға қатысушылар латын әліпбиінің ұсынылған жаңа нұсқаларымен танысты және латын графикасына көшу арқылы Қазақстан "бір мемлекет — бір тіл — бір ұлт" стратегиясын жүзеге асырады және латын әліпбиіне көшу "ХХІ ғасырдың ғылыми және білім беру процесінің"талаптарынан туындады деп санайды. Сонымен қатар, ұлттық менталитеттегі басты нәрсені сақтай отырып, ұлттық сана-сезімнің шекарасын кеңейту қажет.
