#REPOST @marat_zhundubaev Құрметті қостанайлықтар! Бүгінде қаладағы жағдай тұрақталып, су тасқынының шарықтау шегі өтті деуге алғашқы негіз бар. Қаратомар су қоймасынан Тобылға құйылатын судың төмендеуі байқалады, бұл облыс орталығының өңіріндегі өзенге түсетін жүктемені азайтады.

Посмотреть эту публикацию в Instagram

Публикация от Culture Qostanai (@culture_qostanai)

Қостанай қаласында барлық су тасқыны кезеңінде су басқан аумақтардан 1005 адам эвакуацияланды, оның ішінде 51 адам эвакуациялық пункттерге орналастырылып, ыстық тамақпен қамтамасыз етілді. 954 адам өз бастамаларымен туыстары мен жақындарының үйінде болды. Ең бастысы, дер кезінде қабылданған шаралардың арқасында халықтың басым көпшілігі тұрғындар арасында қазалы оқиғаны болдырмауға қол жеткізілді.

Үй жануарлары да назардан тыс қалмады, қостанайлық жануарлар еріктілерінің жанқиярлық әрекеттерімен бірнеше жүз мысық, ит, қой, ірі қара мен жылқы эвакуацияланып, баспаналарға орналастырылды.

Қалалық ішкі істер басқармасы ұрлық пен тонауға жол бермеу мақсатында 16 бекет орнатып, халық тастап кеткен тұрғын үйлерді тәулік бойына патрульдеу жұмыстарын ұйымдастырды.

Құрметті қостанайлықтар! Су тасқынына қарсы шараларға қатысқан барлық қала тұрғындарына алғыс айтқым келеді. Төтенше жағдайлардың салдарын жоюға жастар, қала кәсіпорындарының жұсыскерлері, мемлекеттік қызметшілері, әскери қызметкерлер, құқық қорғау органдарының өкілдері шықты.

Еріктілер мен қамқорлық танытқан азаматтарға ыстық шай мен тамақпен тегін қамтамасыз етілді. Бұл процестерге қоғамдық тамақтандыру және сауда кәсіпорындары қосылды.

Қостанайлықтар көпұлтты халқымыздың ең басты құндылығы болған, бірлігі мен ынтымағына тағы куә болдық.

Табиғат апатынан зардап шеккен қостанайлықтарды сабырлық пен шыдамдылық танытуға шақырамын, табиғи апат салдарынан болған шығынды барынша азайтуға бар күшімізді саламыз.