Облыстық көркемөнерпаздардың халық шығармашылығы мен кинобейнеқор орталығы жыл сайын өзге де облыстармен шығармашылық байланысты нығайтып отырады.
Былтырғы жылы орталық қызметкерлері Ақмола, Алматы, Маңғыстау, Ақтөбе облыстарына барып, жұмастарымен танысып, мәдени шығармашылық байланыс орнатқан еді.
Біздің өңірдің орталығы өзгелерден көш ілгері.
Жұмысы да, бастамалары да анағұрлым ауқымды, мазмұнды.
Биылғы жылы да осы бастама жалғасын тауып, орталықтың мәдени-демалыс және халық шығармашылығын ұйымдастыру бөлімі басшысының міндетін атқарушы Гүлнар Молдашева мен халық шығармашылығын дамыту сұрақтары бойынша әдіскері Бибігүл Баженова Павлодар облысына іс-сапармен барып келді.
Іс-сапардың мақсаты «Рухани қазына-2022» фестивалінде «Үздік облыстық мәдени-демалыс кешені» номинациясы бойынша жеңімпаз атанған Павлодар облыстық «Шаңырақ» халық шығармашылығы және мәдени-сауық қызметі орталығының жұмысымен танысып, тәжірибе алмасу және мемарандумға отырып, алдағы уақытта шығармашылық байланыста болу.
Орталық қызметкерлерін «Шаңырақ» халық шығармашылығы және мәдени-сауық қызметі орталығы басшысының міндетін атқарушы Замира Солтанова жылы қарсы алып, өз ұжымындағы мамандармен, өнерпаздармен таныстырып, аудандар мен қалаларда атқарылған және алда өтетін іс-шаралар туралы бөлісті.
Алдағы уақытта бірлесіп семинар, шеберлік сағаттарын өткізуге, тәжірибе алмасуға келісімен берді.
Ертіс-Баян өңірінің өнер ордасы, Иса Байзақов атындағы Павлодар облыстық филармониясы басшысының орынбасары Ләтифа Тәттімбетқызы филармония тынысымен таныстырды.
Екібастұз қаласының «Атамұра» мәдениет орталығының басшысы Нұрсұлу Еркебайқызы да атқарылып жатқан еңбектерімен, өмірден өткен өнерпаз өңір мақтаныштары мұражайымен, ұлттық тағамдар асханасымен таныстырып, алдағы іс-шаралар туралы айтып берді.
Елордамыз Астана қаласында «Роза Бағланова атындағы «Қазақконцерт» мемлекеттік концерттік ұйымы» РМҚК жанындағы «Концерттік-гастрольдік қызмет бойынша мемлекеттік концерттік ұйымдардың республикалық орталығы» басшысының орынбасары Серік Нұрмолдаев және концерт ұйымдастырушылары Ержан Жарылқасынұлы мен Ғалия Әликенқызы Қостанай өңіріне тегін концерт ұйымдастырып, іс-сапарға аттануға дайындалып жатқан жоспарларымен бөлісіп, алдағы уақытта да облыстық халық шығармашылығымен тығыз байланыста болуға ұсыныс жасады.
Алдағы уақыттарда Түркістан, Орал өңірлеріне бару жоспарда бар.
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
